Read Свето Писмо (Гаврилова) 1990 Филимон 1 Bible Online

Филимон 1 - Свето Писмо (Гаврилова) 1990 bible

Филимон 1

¹Павле, затвореник на Исуса Христа, и братот Тимотеј, до возљубениот Филимон, нашиот сотрудник,

²и до Апфија, возљубената сестра, и до Архип, нашиот другар во војувањето, и до твојата домашна црква.

³Благодат вам и мир од Бога, нашиот Отец, и од Господа Исуса Христа!

⁴Секогаш Му благодарам на мојот Бог, кога те спомнувам во молитвите свои,

⁵бидејќи слушам за твојата љубов и вера, која ја имаш во Господа Исуса и кон сите светии,

⁶и молам твојата вера, што ја имаме заедно, да се покаже на дело во познавањето на секое добро, кое го имате во Христа Исуса.

⁷Зашто ние многу се радуваме и утешуваме поради твојата љубов, брате, бидејќи преку тебе се успокоија срцата на светиите.

⁸Затоа, иако имам во Христа голема слобода да ти заповедам како што треба,

⁹сепак од љубов кон тебе, те молам јас, каков што сум, старецот Павле, а сега и затвореник Исус Христов,

¹⁰те молам за моето чедо Онисим, што го родив во оковите свои:

¹¹и тој некогаш беше непотребен за тебе, а сега ни е многу потребен и тебе и мене, и го праќам назад;

¹²а ти прими го како мое срце.

¹³Јас сакав да го задржам при мене, за да ми служи место тебе во оковите за Благовестието;

¹⁴но без твоја согласност не сакав ништо да направам, за да биде твојата добрина не како принуда, туку доброволна.

¹⁵Зашто, можеби, тој поради тоа се одвои од тебе за малку време, за да го примиш засекогаш,

¹⁶не веќе како роб, а повеќе од роб, како возљубен брат, а особено за мене, и уште повеќе за тебе — и по тело и во Господа.

¹⁷И така, ако ме имаш за соучесник, прими го како мене.

¹⁸Ако, пак, во нешто ти згрешил или ти е должен, префрли го тоа на моја сметка.

¹⁹Јас, Павле, напишав со својата рака: јас ќе платам, за да не ти речам, дека ти и самиот цел си ми должен.

²⁰Да, брате, да го добијам од тебе во Господа она, за што Го молам; развесели го срцето мое во Господа.

²¹Убеден во твојата послушност, ти напишав, знаејќи дека ќе направиш и повеќе отколку што ти велам.

²²А заедно со ова приготви ми и потслон, оти се надевам дека со вашите молитви ќе ви бидам даруван вам.

²³Те поздравува Епафрас, кој е со мене затвореник во Христа Исуса, Марко, Аристарх, Димас, Лука — моите сотрудници.

²⁴Благодатта на нашиот Господ Исус Христос нека биде со вашиот дух. Амин!