Read Свето Писмо (Гаврилова) 1990 Судии 10 Bible Online

Судии 10 - Свето Писмо (Гаврилова) 1990 bible

Судии 10

¹По Авимелеха се крена да го спаси Израилот Тола, синот на Фуј, син Додов, од Исахарово племе. Тој живееше во Самир, на гората Ефремова.

²Тој беше судија над Израилот дваесет и три години, и умре, и беше погребан во Самир.

³По него се крена Јаир од Галад, кој беше судија над Израилот дваесет и две години.

⁴Тој имаше триесет и два сина, кој јаваа на триесет и две ослиња, и тие имаа триесет и два града, кои и до денес се нарекуваат Јаирови селишта, а се во Галадската земја.

⁵Умре Јаир и беше погребан во Камон.

⁶А Израилевите синови пак почнаа да вршат зло пред Господа и им служеа на разни Вааловци и Астарти, на боговите сириски, на боговите сидонски, на боговите моавски, на боговите амонитски и на боговите филистејски, а Господа Го оставија и не Му служеа.

⁷И се разгори гневот на Господа против Израилот, и Он ги предаде во рацете на Амонитите.

⁸Оттогаш тие ги угнетуваа и ги мачеа Израилевите синови осумнаесет години по ред, сите Израилеви синови од онаа страна на Јордан во Аморејската земја, кој е во Галад.

⁹Најпосле Амонитите го преминаа Јордан, за да војуваат против Јуда и Венијамина и против домот Ефремов. И синовите Израилеви беа на големи маки.

¹⁰Па повикаа синовите Израилеви кон Господа и рекоа: »Згрешивме пред Тебе, зашто го оставивме нашиот Бог и им служиме на Вааловци.«

¹¹И Господ им рече на Израилевите синови: »Не ве угнетуваа ли Египтјаните и Аморејците, Амонитите и Филистејците,

¹²Сидонците, Амаликијците и Моавците и кога повикавте кон Мене, не ве спасив ли од рацете нивни?

¹³А вие Ме оставивте и почнавте да им служите да други богови; затоа нема повеќе да ве спасувам;

¹⁴одете, повикајте ги боговите, што сте ги избрале, нека ве спасат тие во ова за вас тешко време.«

¹⁵Тогаш синовите Израилеви Му рекоа на Господа: »Згрешивме; прави со нас сѐ што Ти е угодно, само спаси нѐ сега.«

¹⁶И ги отфрлија од себе туѓите богови и почнаа да Му служат само на Господа. И не ги истрпе душата Негова страдањата Израилеви.

¹⁷Амонитите, пак, се собраа и се сместија, се улогорија во Галад; исто така се собраа и Израилевите синови и се улогорија во Масифа.

¹⁸Народот и началниците галадски се рекоа еден на друг: »Кој ќе почна војна против Амонитите, тој нека биде началник на сите галадски жители.«