Read Свето Писмо (Гаврилова) 1990 2. Јован 1 Bible Online

2. Јован 1 - Свето Писмо (Гаврилова) 1990 bible

2. Јован 1

¹Од старешината — до избраната госпоѓа и нејзините чеда, кои вистински ги сакам, — и не само јас, туку и сите, што ја познаа вистината;

²поради вистината, која пребива во нас и ќе биде со нас секогаш.

³Да биде со вас благодатта, милоста, мирот од Бога Отецот и од Господа Исуса Христа, Синот на Отецот, во вистина и љубов!

⁴Многу се зарадував, оти чедата твои ги најдов како одат во вистина, онака како што добивме заповед од Отецот.

⁵И сега те молам, госпоѓо, не како да ти пишувам нова заповед, но онаа, која ја имаме од почетокот, да се сакаме еден со друг.

⁶А љубовта се состои во тоа, да постапуваме по Неговите заповеди. Тоа е заповедта, што ја чувте во почетокот, за да постапувате според неа;

⁷бидејќи во светот влегоа мнозина измамници, кои не исповедаат дека Исус Христос дошол во плот; таков човек е измамник, антихрист.

⁸Пазете се за да не го изгубите она, за кое сте се труделе, туку да добиете полна награда.

⁹Секој, кој прави престапи и не пребива во Христовото учење и не е во Него, Го нема Бога; кој пребива во Христовото учење, тој Го има и Отецот и Синот.

¹⁰Кој доаѓа при вас и не го носи тоа учење, него не го примајте во вашиот дом и не поздравувајте го;

¹¹зашто, кој го поздравува, учествува во неговите лоши дела.

¹²Вистина, имав многу да ви пишувам, но не сакав на книга и со мастило, оти се надевам дека ќе дојдам при вас и од устата да ви зборувам, та радоста ваша да ви биде полна.

¹³Те поздравуваат чедата на избраната твоја сестра. Амин!