Read Свето Писмо (Гаврилова) 1990 3. Јован 1 Bible Online

3. Јован 1 - Свето Писмо (Гаврилова) 1990 bible

3. Јован 1

¹Од старешината — до возљубениот Гај, кого вистински го сакам.

²Возљубени, се молам да бидеш здрав и во сѐ да ти биде добро, како што ѝ е добро на душата твоја.

³Многу се зарадував, кога дојдоа браќата и се посведочија за твојата верност — оти ти живееш во вистината.

⁴За мене нема поголема радост од тоа — да чујам дека моите чеда живеат во вистина.

⁵Возљубени, ти постапуваш верно во сѐ, што го правиш за браќата и гостите,

⁶кои ја посведочија твојата љубов пред Црквата. Добро ќе направиш, ако ги приготвиш пред Бога како што треба.

⁷Бидејќи поради Неговото име тргнаа, не земајќи ништо од незнабошците.

⁸Ние сме, пак, должни да примаме такви, за да станеме помошници на вистината.

⁹Јас напишав до Црквата. Но Диотреф, кој сака да биде најстар меѓу нив, не нѐ прими нас.

¹⁰Затоа, ако дојдам, ќе му спомнам за делата негови, што ги прави, напаѓајќи нѐ со лоши зборови; и тоа не му е доволно, туку браќата сам не ги прима, а им забранува да ги примаат и оние, кои сакаат да ги примат, и ги гони од Црквата.

¹¹Возљубени, не угледувајте се на злото, туку на доброто. Кој добро чини, од Бога е; а кој прави зло, не Го видел Бога.

¹²За Димитрија посведочија сите, па и самата вистина; а сведочиме, исто така, и ние; а вие знаете дека сведоштвото наше е вистинско.

¹³Многу имав да ти пишувам, но не сакав да ти напишам со мастило и перо,

¹⁴туку се надевам наскоро да те видам, и да позборуваме уста со уста.

¹⁵Тебе мир! Те поздравуваат пријателите. Поздрави ги пријателите по име. Амин!