Read Свето Писмо (Гаврилова) 1990 1 Царства 29 Bible Online

1 Царства 29 - Свето Писмо (Гаврилова) 1990 bible

1 Царства 29

¹Филистејците ги собраа сите свои доброволни чети во Афек, а Израилците се улогорија при изворот, кој е во Језраел.

²Кнезовите филистејски врвеа со стотици и илјади, а Давид и луѓето негови одеа зад нив со Анхуса.

³И говореа кнезовите филистејски: »Какви се тие Евреи?« Анхус им одговараше на кнезовите филистејски: »Зар не знаете, дека е тоа Давид, слугата на Саула, царот израилски? Тој е кај мене повеќе од една година, и јас не најдов кај него ништо лошо, откако е дојден до денес.«

⁴И почнаа да негодуваат против него кнезовите филистејски и му рекоа: »Испрати го тој човек; нека си оди на местото, што си му го определил, за да не оди со нас во војна и да не стане наш противник во војната. Со што може да го смилостиви господарот свој, ако не со главите на овие наши луѓе?

⁵Не ли е тоа оној Давид, на кого му пееја во хоровите, велејќи: Саул порази илјади, а Давид — десетици илјади?«

⁶И Анхус го повика Давида и му рече: »Жив Господ! Ти си чесен, и на очите мои би им било мило да излегуваш и да влегуваш со мене во моето војување; зашто јас не сум забележал во тебе ништо лошо, откако си дојден при мене дури до денес; но во очите на кнезовите ти не си добар.

⁷Затоа, врати се сега, оди си со мир и не ги дразни кнезовите филистејски.«

⁸Но Давид му рече на Анхуса: »Што сум направил и што си нашол кај твојот слуга, откако сум пред лицето твое и до денес? Зошто да не одам и да не војувам против непријателите на мојот господар, царот?«

⁹Анхус му одговори на Давида: »Биди уверен, дека во очите мои ти си добар како ангел Божји; но кнезовите филистејски рекоа: ‚Нека не доаѓа тој со нас во војна.‘

¹⁰Затоа стани утре рано, ти и слугите на господарот твој, што дошле со тебе и одете во местото, што ви го определив, и немој да имаш лоша мисла во срцето свое, зашто пред мене ти си добар; станете утре рано и, штом ќе се раздени, одете.«

¹¹И Давид стана, тој и луѓето негови, за да тргнат рано изутрината и да се вратат во земјата Филистејска. А Филистејците отидоа да војуваат во Језраел.