Read Magandang Balita Biblia Mga Awit 120 Bible Online

Mga Awit 120 - Magandang Balita Biblia bible

Mga Awit 120

¹Isang Awit ng Pag-akyat upang Sumamba. Nang ako'y manganib, kay Yahweh dumaing, dininig niya ako sa aking dalangin.

²Sa taong di tapat, gawai'y manlinlang, Yahweh, iligtas mo't ako'y isanggalang.

³Sa kamay ng Diyos, kayong sinungaling, ano kayang parusa ang inyong kakamtin?

⁴Tutudlain kayo ng panang matalim, at idadarang pa sa may bagang uling.

⁵Ako ay kawawa; ako ay dayuhan, sa Meshec at Kedar, ako ay namuhay.

⁶Matagal-tagal ding ako'y nakapisan ng hindi mahilig sa kapayapaan.

⁷Kung kapayapaan ang binabanggit ko, pakikipagbaka ang laman ng ulo.