Read Magandang Balita Biblia Mga Awit 141 Bible Online

Mga Awit 141 - Magandang Balita Biblia bible

Mga Awit 141

¹Awit ni David. Sa iyo, O Yahweh, ako'y dumadalangin sa aking pagtawag, ako sana'y dinggin.

²Ang aking dalangin sana'y tanggapin mo, masarap na samyong handog na insenso; itong pagtaas ng mga kamay ko.

³O Yahweh, bibig ko ay iyong bantayan, ang mga labi ko'y lagyan mo ng bantay.

⁴Huwag mong babayaang ako ay matukso, sa gawang masama ay magumon ako; ako ay ilayo, iiwas sa gulo, sa handaan nila'y nang di makasalo.

⁵Pagkat may pag-ibig, ang mabuting tao puwedeng magparusa't pagwikaan ako, ngunit ang masama ay hindi ko ibig na ang aking ulo'y buhusan niya ng langis; pagkat ang dalangin at lagi kong hibik, ay laban sa gawa niyang malulupit.

⁶Kung sila'y bumagsak tuloy na hatulan, maniniwala na ang mga nilalang na ang salita ko ay katotohanan.

⁷Tulad ng panggatong na pira-piraso, sa pinaglibinga'y kakalat ang buto.

⁸Di ako hihinto sa aking pananalig, ang pag-iingat mo'y aking ninanais, huwag mong itutulot, buhay ko'y mapatid.

⁹Sa mga patibong ng masamang tao, ilayo mong lubos, ingatan mo ako.

¹⁰Iyong pabayaang sila ang mahulog, samantalang ako'y ligtas mong kinupkop.