Read Magandang Balita Biblia Mga Awit 4 Bible Online

Mga Awit 4 - Magandang Balita Biblia bible

Mga Awit 4

¹Katha ni David upang awitin ng Punong Mang-aawit; sa saliw ng instrumentong may kuwerdas. Sagutin mo po ang aking pagtawag, O Diyos, na aking kalasag! Sa kagipitan ko, ako'y iyong tinulungan, kaawaan mo ako ngayon, dalangin ko'y pakinggan.

²Kayong mga tao, hanggang kailan ninyo ako hahamakin? Ang walang kabuluhan at kasinungalingan, hanggang kailan ninyo iibigin? (Selah)[4]

³Dapat ninyong malamang itinalaga ni Yahweh ang matuwid, kapag tumatawag ako sa kanya, siya'y nakikinig.

⁴Huwag hayaang magkasala ka nang dahil sa galit; sa iyong silid, pag-isipa't ika'y manahimik. (Selah)[5]

⁵Nararapat na handog, inyong ialay, pagtitiwala n'yo'y kay Yahweh ibigay.

⁶Tanong ng marami, “Sinong tutulong sa atin?” Ikaw, O Yahweh, ang totoong mahabagin!

⁷Puso ko'y iyong pinuno ng lubos na kagalakan, higit pa sa pagkain at alak na inumin.

⁸Sa aking paghiga, nakakatulog nang mahimbing, pagkat ikaw, Yahweh, ang nag-iingat sa akin.