Read Magandang Balita Biblia Mga Awit 52 Bible Online

Mga Awit 52 - Magandang Balita Biblia bible

Mga Awit 52

¹Maskil[41] ni David, upang awitin ng Punong Mang-aawit, nang si Doeg na isang Edomita ay nagpunta at magsumbong kay Saul na, “Si David ay nagpunta sa bahay ni Ahimelec”. O taong malakas, bakit ka nagyabang sa gawa mong mali? Pag-ibig ng Diyos ang mamamalagi.

²Balak mo'y wasakin ang iba, ng iyong matalim na dila ng pagsisinungaling.

³Higit na matindi ang iyong pag-ibig sa gawang masama, higit na nais mo'y kasinungalingan kaysa gawang tama. (Selah)[42]

⁴Taong sinungaling ang iba'y gusto mong saktan sa salita.

⁵Kaya't wawasaki't aal'sin ka ng Diyos sa loob ng tolda, sa mundo ng buháy aalisin ka niya. (Selah)[43]

⁶Ito'y makikita ng mga matuwid, matatakot sila, at ang sasabihing pawang nagtatawa:

⁷“Masdan mo ang taong sa Diyos di sumampalataya, sa taglay niyang yaman nanangan at nagpakalakas sa kanyang kasamaan.”

⁸Kahoy na olibo sa tabi ng templo, ang aking katulad; nagtiwala ako sa pag-ibig ng Diyos na di kumukupas.

⁹Di ako titigil ng pasasalamat sa iyong ginawa, ang kabutihan mo'y ipahahayag ko, kasama ng madla.