Read Magandang Balita Biblia, 2005 Genesis 36 Bible Online

Genesis 36 - Magandang Balita Biblia, 2005 bible

Genesis 36

¹Ito ang kasaysayan ng lahi na mula kay Esau na tinatawag ding Edom.

²Ang napangasawa niya ay mga Cananea: si Ada, anak ni Elon na Heteo, si Aholibama, anak ni Ana at apo ni Zibeon na Hivita,

³at si Basemat na anak naman ni Ismael at kapatid ni Nebayot.

⁴Ang anak ni Esau kay Ada ay si Elifaz; kay Basemat ay si Reuel;

⁵at kay Aholibama ay sina Jeus, Jalam at Korah. Silang lahat ay ipinanganak sa Canaan.

⁶Nangibang-bayan si Esau kasama ang kanyang mga asawa, mga anak, mga tauhan, pati ang mga hayop at ang lahat ng ari-arian ay kanyang dinala.

⁷Iniwan niya si Jacob sa Canaan, sapagkat ang lupaing ito'y hindi na sapat sa kanilang mga kawan.

⁸Sa Seir nanirahan si Esau.

⁹Ito ang kasaysayan ng lahi na mula kay Esau, ang pinagmulan ng mga Edomita sa kaburulan ng Seir:

¹⁰si Elifaz, anak kay Ada; at si Reuel, kay Basemat.

¹¹Ang mga anak naman ni Elifaz ay sina Teman, Omar, Zefo, Gatam at Kenaz.

¹²At si Amalek ang naging anak ni Elifaz kay Timna. Sila ang mga apo ni Esau kay Ada.

¹³Ito naman ang mga apo ni Esau kay Reuel na anak ni Basemat: Nahat, Zera, Shammah at Miza.

¹⁴Ang mga anak ni Esau kay Aholibama na anak ni Ana at apo ni Zibeon, ay sina Jeus, Jalam at Korah.

¹⁵Ito ang mga pinuno sa lahi ni Esau: Teman, Omar, Zefo at Kenaz, Korah, Gatam at Amalek, mga anak ni Elifaz na kanyang panganay at apo ni Ada. Sila'y naging pinuno sa lupain ng Edom.

¹⁷Naging mga pinuno rin sa lupain ng Edom sina Nahat, Zera, Shammah, at Miza na mga anak ni Reuel. Sila ang mga apo ni Esau kay Basemat.

¹⁸Sina Jeus, Jalam at Korah ang naging pinuno sa mga anak ni Esau kay Aholibama na anak ni Ana.

¹⁹Ang lahat ng mga liping ito'y nagmula sa lahi ni Esau.

²⁰Ito ang mga anak ni Seir, ang Horeo: Lotan, Sobal, Zibeon, Ana,

²¹Dishon, Ezer at Disan. Sila ang mga pinuno ng mga Horeo na unang nanirahan sa lupain ng Edom.

²²Ang mga anak ni Lotan ay sina Hori at Heman. Si Timna ay kapatid na babae ni Lotan.

²³Ito naman ang mga anak ni Sobal: Alvan, Manahat, Ebal, Zefo at Onam.

²⁴Ang kay Zibeon naman ay sina Aya at Ana. Si Ana ang siyang nakatuklas ng mainit na bukal sa ilang samantalang inaalagaan ang mga asno ng kanyang ama.

²⁵Ang mga anak ni Ana ay si Dishon at ang kapatid nitong babae na si Aholibama.

²⁶Ang mga anak naman ni Dishon ay sina Hemdan, Esban, Itran at Keran.

²⁷Sina Bilhan, Zaavan at Acan ang mga anak naman ni Ezer.

²⁸At ang kay Disan ay sina Hus at Aran.

²⁹Ito ang mga pinuno ng mga Horeo sa lupain ng Seir ayon sa kanilang angkan: Lotan, Sobal, Zibeon, Ana,

³⁰Dishon, Ezer at Disan.

³¹Ito naman ang mga naging hari sa lupain ng Edom bago nagkaroon ng haring Israelita.

³²Si Bela, ang anak ni Beor, ay naghari sa Lunsod ng Dinaba.

³³Pagkamatay niya, pumalit si Jobab na anak ni Zerah, na taga-Bosra.

³⁴Nang mamatay naman si Jobab, pumalit si Husam na Temaneo.

³⁵Namatay si Husam, at humalili naman si Hadad, anak ni Bedad na tumalo sa mga Midianita sa lupain ng Moab. Avit ang tawag sa kanyang lunsod.

³⁶Pagkamatay ni Hadad, siya'y pinalitan ni Samla na taga-Masreca.

³⁷Si Saul namang taga-Rehobot sa Eufrates ang sumunod na namahala pagkamatay ni Samla.

³⁸Pagkamatay ni Saul, ang naghari ay si Baal-hanan na anak ni Acbor.

³⁹Pagkamatay ni Baal-hanan, pumalit si Hadar. Ang pangalan ng lunsod niya ay Pau. Si Mehetabel na anak ni Matred at apo ni Mezahab ang kanyang asawa.

⁴⁰Ito ang mga liping nagmula kay Esau ayon sa kanilang tirahan: Timna, Alva, Jetet,

⁴¹Aholibama, Ela, Pinon,

⁴²Kenaz, Teman, Mibzar,

⁴³Magdiel at Iram. Ito ang mga bansa ng Edom ayon sa kani-kanilang tirahan. Si Esau ang ninuno ng mga Edomita.