Read Magandang Balita Biblia, 2005 Job 27 Bible Online

Job 27 - Magandang Balita Biblia, 2005 bible

Job 27

¹Muling tumugon si Job,

²“Isinusumpa ko sa Diyos na sa aki'y nagkait ng katarungan, sa Makapangyarihang Diyos na nagdulot sa akin ng kapaitan.

³Habang mayroon akong hininga na Diyos ang nagbibigay, ang labi ko'y walang bibigkasing kasinungalingan, ang aking sasabihin ay pawang katotohanan.

⁵Hindi ko matatanggap na kayo ang may katuwiran, igigiit hanggang kamatayan na ako'y walang kasalanan.

⁶Hindi ko isusuko ang aking katuwiran, budhi ko'y malinis, di ako sinusumbatan.

⁷“Parusahan nawa ang lahat ng sa aki'y lumalapastangan; ituring nawa silang lahat na makasalanan.

⁸Ang makasalana'y mayroon pa bang pag-asa, kapag binawi na ng Diyos ang buhay na taglay niya?

⁹Pagsapit ng kaguluhan, papakinggan kaya ng Diyos ang kanyang panawagan?

¹⁰Ito kaya ay mananalig sa Makapangyarihan at sa lahat ng araw, Diyos ay tatawagan.

¹¹“Ang kalooban ng Diyos, sa inyo'y sasabihin at aking ihahayag ang nais niyang gawin.

¹²Ang lahat ng ito'y inyo namang nalalaman, subalit ang salita ninyo'y pawang walang kabuluhan.”

¹³Ang sagot ni Zofar: “Sa masama ay ganito ang inihanda ng Diyos, sa mararahas ay ito ang parusang ibubuhos:

¹⁴Magkakaanak sila ng marami ngunit mamamatay sa digmaan, ang kanilang mga anak, gutom ang mararanasan.

¹⁵Ang matitirang buháy, sa salot mamamatay, ngunit kanilang mga biyuda, hindi sila tatangisan.

¹⁶Kahit siya'y makaipon ng malaking kayamanan o kaya'y magkaroon ng maraming kasuotan,

¹⁷isa man sa mga iyon ay di niya papakinabangan, mapupunta sa matuwid ang lahat niyang kayamanan.

¹⁸Sapot lamang ng gagamba [19] ang katulad ng kanyang bahay, parang kubo lamang ng mga aliping bantay.

¹⁹Matutulog ang mayaman ngunit hanggang doon na lang; pagmulat ng kanyang mata, ari-arian niya ay wala na.

²⁰Mga kasawian ay parang bahang darating, tatangayin ng ipu-ipo pagsapit ng dilim.

²¹Matinding hanging silangan, sa kanya ay tatangay, tuluyan siyang mawawala at di na makikita.

²²Patuloy siyang babayuhin nang walang pakundangan, ang kapangyarihan nito'y sisikapin niyang matakasan.

²³Sa bandang huli, hangin ay magagalak pagkat itong masama, tuluyan ng bumagsak.