Read Magandang Balita Biblia, 2005 Mga Awit 113 Bible Online

Mga Awit 113 - Magandang Balita Biblia, 2005 bible

Mga Awit 113

¹Purihin si Yahweh! Dapat na magpuri ang mga alipin, ang ngalan ni Yahweh ay dapat purihin.

²Ang kanyang pangalan ay papupurihan, magmula ngayo't magpakailanman,

³buhat sa silangan, hanggang sa kanluran, ang ngalan ni Yahweh, dapat papurihan.

⁴Siya'y naghahari sa lahat ng bansa, lampas pa sa langit ang pagkadakila.

⁵Sino bang katulad ng Diyos na si Yahweh, na sa kalangitan doon nakaluklok?

⁶Buhat sa itaas siya'y tumutunghay, ang lupa at langit kanyang minamasdan.

⁷Mula kapanglawa'y itong mahihirap, kanyang itinataas, kanyang nililingap.

⁸Sa mga prinsipe ay isinasama, sa mga prinsipe nitong bayan niya.

⁹Ang babaing baog pinagpapala niya, binibigyang anak para lumigaya. Purihin si Yahweh!