Read Magandang Balita Biblia, 2005 Mga Awit 123 Bible Online

Mga Awit 123 - Magandang Balita Biblia, 2005 bible

Mga Awit 123

¹Ang aking pangmasid doon nakatuon, sa luklukang trono mo, O Panginoon.

²Tulad ko'y aliping ang inaasahan ay ang amo niya para sa patnubay, kaya tuluy-tuloy ang aming tiwala, hanggang ikaw, Yahweh, sa ami'y maawa.

³Mahabag ka, Yahweh, kami'y kaawaan, labis na paghamak aming naranasan.

⁴Kami'y hinahamak ng mga mayaman, laging kinukutya kahit noon pa man ng mapang-aliping taong mayayabang. Isang Awit ng Pag-akyat upang Sumamba; katha ni David.