Read Magandang Balita Biblia, 2005 Mga Awit 133 Bible Online

Mga Awit 133 - Magandang Balita Biblia, 2005 bible

Mga Awit 133

¹Isang Awit ng Pag-akyat upang Sumamba. Napakaligaya at kahanga-hanga sa ating pangmasid, ang nagkakaisa't laging sama-sama na magkakapatid!

²Langis ng olibo, ang nakakatulad at nakakawangis, sa ulo at balbas nitong si Aaron kapag ipinahid, umaagos ito't nababasa pati ang suot na damit.

³Katulad din nito'y hamog sa umaga, sa Bundok ng Hermon, hamog na dumilig sa dakong maburol na Bundok ng Zion; sa lugar na ito, nangako si Yahweh, ang pangakong buhay na mananatili.