Read Magandang Balita Biblia, 2005 Mga Awit 150 Bible Online

Mga Awit 150 - Magandang Balita Biblia, 2005 bible

Mga Awit 150

¹Purihin si Yahweh! Sa banal na templo, ang Diyos ay awitan, purihin sa langit ang lakas na taglay!

²Siya ay purihin sa kanyang ginawa, siya ay purihin, sapagkat dakila.

³Purihin sa tugtog ng mga trumpeta, awitan sa saliw ng alpa at lira!

⁴Sa tugtog ng tambol, magsayaw, purihin, mga alpa't plauta, lahat ay tugtugin!

⁵Ang Diyos ay purihin sa tugtog ng pompiyang, sa lakas ng tugtog siya'y papurihan.

⁶Purihin si Yahweh lahat ng nilalang! Purihin si Yahweh!