Read Magandang Balita Biblia, 2005 Mga Awit 3 Bible Online

Mga Awit 3 - Magandang Balita Biblia, 2005 bible

Mga Awit 3

¹Awit ni David nang siya'y tumatakas mula kay Absalom. O Yahweh, napakarami pong kaaway, na sa akin ay kumakalaban!

²Ang lagi nilang pinag-uusapan, ako raw, O Diyos, ay di mo tutulungan! (Selah) [1]

³Ngunit ikaw Yahweh, ang aking sanggalang, binibigyan mo ako ng tagumpay at karangalan.

⁴Tumatawag ako kay Yahweh at humihingi ng tulong, sinasagot niya ako mula sa banal na bundok. (Selah) [2]

⁵Ako'y nakakatulog at nagigising, buong gabi'y si Yahweh ang tumitingin.

⁶Sa maraming kalaba'y di ako matatakot, magsipag-abang man sila sa aking palibot.

⁷Yahweh na aking Diyos, iligtas mo ako! Parusahang lahat, mga kaaway ko, kapangyarihan nila'y iyong igupo.

⁸Si Yahweh ang nagbibigay ng tagumpay; pagpalain mo nawa ang iyong bayan! (Selah) [3]