Read Magandang Balita Biblia, 2005 Mga Awit 75 Bible Online

Mga Awit 75 - Magandang Balita Biblia, 2005 bible

Mga Awit 75

¹Isang Awit na katha ni Asaf upang awitin ng Punong Mang-aawit. Salamat, O Diyos, maraming salamat, sa iyong pangalan kami'y tumatawag, upang gunitain sa lahat ng oras ang mga gawa mo na kahanga-hanga.

²Wika ng Panginoon, “Sa takdang panahon, walang pagtatanging ako ay hahatol.

³Itong mundong ito'y kahit na mayanig, maubos ang tao dito sa daigdig, ang saligan nito'y aking ititindig.” (Selah) [74]

⁴“Sabi ko sa hambog sila ay mag-ingat, at ang masasama'y huwag magpasikat.

⁵Ang pagmamalaki'y dapat na iwasan, kung magsasalita'y gawing malumanay.”

⁶Hindi sa silangan, hindi sa kanluran, hindi rin sa timog o sa hilaga man magmumula, hatol na inaasahan.

⁷Tanging Diyos lamang ang siyang hahatol, sa mapapahamak o sa magtatagumpay.

⁸Si Yahweh na Diyos ay may kopang hawak, sariwa't matapang yaong lamang alak; ipauubaya niyang ito'y tunggain ng taong masama, hanggang sa ubusin.

⁹Subalit ako ay laging magagalak; ang Diyos ni Jacob, aking itataas.

¹⁰Lakas ng masama'y papatiding lahat, sa mga matuwid nama'y itataas!