Read Magandang Balita Biblia, 2005 Mga Awit 87 Bible Online

Mga Awit 87 - Magandang Balita Biblia, 2005 bible

Mga Awit 87

¹Isang Awit na katha ng angkan ni Korah. Sa Bundok ng Zion, itinayo ng Diyos ang banal na lunsod,

²ang lunsod na ito'y higit niyang mahal sa alinmang bayan ng angkan ni Jacob.

³Kaya't iyong dinggin ang ulat sa iyong mabubuting bagay, O lunsod ng Diyos: (Selah) [90]

⁴“Kapag isinulat ko at ang mga bansang sa iyo'y sasama, aking ibibilang ang bansang Egipto at ang Babilonia; ibibilang ko rin bansang Filistia, Tiro at Etiopia.” [91]

⁵At tungkol sa Zion, sasabihin nila, “Ang lahat ng bansa ay masasakupan, siya'y palalakasin at patatatagin ng Kataas-taasan.”

⁶Si Yahweh ay gagawa, ng isang talaan ng lahat ng taong doo'y mamamayan, (Selah) [92]

⁷sila ay aawit, sila ay sasayaw, at sila'y sabay-sabay na magsasabing, “Ang aking mga pagpapala'y ang Zion ang bukal.”