Read Makassar Version – KITTA' MATANGKASA PA'JARIANG 5 Bible Online

PA'JARIANG 5 - Makassar Version – KITTA' MATANGKASA bible

PA'JARIANG 5

¹ Iaminne pattottoranna sossoranna Adam. [Ri wattu Napa'jarina Allata'ala rupataua, Napa'jari sanrapangi ke'nanga KalenNa Allata'ala.

² Napa'jari ke'nanga bura'ne siagang baine. Nabarakkaki ke'nanga siagang Naarengi ke'nanga “Tau”.]

³Ri wattunna 130 taung umuru'na Adam, anggappami sitau ana' bura'ne sintanjaka le'ba' kalenna, na naareng anjo anaka Set.

⁴Le'baki anjo tallasa'iji 800 taung sallona Adam, nanggappa pole ana'-ana' maraengannaya.

⁵Narapiki 930 taung umuru'na nampa mate.

⁶Ri wattunna narapi' 105 taung umuru' Set, anggappami sitau ana' bura'ne, niarenga Enos.

⁷Le'baki anjo tallasa'iji 807 taung sallona Set nanggappa pole ana'-ana' maraengannaya.

⁸Narapiki 912 taung umuru'na nampa mate.

⁹Ri wattunna narapi' 90 taung umuru'na Enos, anggappami sitau ana' bura'ne, niarenga Kenan.

¹⁰Le'baki anjo tallasa'iji 815 taung sallona Enos nanggappa pole ana'-ana' maraengannaya.

¹¹Narapiki 905 taung umuru'na nampa mate.

¹²Ri wattunna narapi' 70 taung umuru'na Kenan, anggappami sitau ana' bura'ne, niarenga Mahalaleel.

¹³Tallasa'iji 840 taung sallona Kenan nanggappa pole ana'-ana' maraengannaya.

¹⁴Narapiki 910 taung umuru'na nampa mate.

¹⁵Ri wattunna narapi' 65 taung umuru'na Mahalaleel, anggappami sitau ana' bura'ne, niarenga Yared.

¹⁶Le'baki anjo tallasa'iji 830 taung sallona Mahalaleel nanggappa pole ana'-ana' maraengannaya.

¹⁷Narapiki 895 taung umuru'na nampa mate.

¹⁸Ri wattunna narapi' 162 taung umuru'na Yared, anggappami sitau ana' bura'ne, niarenga Henokh.

¹⁹Le'baki anjo tallasa'iji 800 taung sallona Yared nanggappa pole ana'-ana' maraengannaya.

²⁰Narapiki 962 taung umuru'na nampa mate.

²¹Ri wattunna narapi' 65 taung umuru'na Henokh, anggappami sitau ana' bura'ne, niarenga Metusalah.

²²Le'baki anjo attallasa'mi Henokh sipa'rappungang siagang Allata'ala 300 taung sallona. Anggappami pole ana'-ana' maraengannaya

²³sa'genna narapi' 365 taung umuru'na.

²⁴ Lanri tuli sipa'rappunganna siagang baji' Henokh mae ri Allata'ala, allanynya'mi lanri niallei ri Allata'ala.

²⁵Ri wattunna narapi' 187 taung umuru'na Metusalah, anggappami sitau ana' bura'ne, niarenga Lamekh.

²⁶Le'baki anjo tallasa'iji 782 taung sallona Metusalah nanggappa pole ana'-ana' maraengannaya.

²⁷Narapiki 969 taung umuru'na nampa mate.

²⁸Ri wattunna narapi' 182 taung umuru'na Lamekh, anggappami sitau ana' bura'ne.

²⁹Nakanamo Lamekh, “Anne anaka lanasareki' karingangngang ri wattunta anjama terasa' anjamai butta le'baka Natunrai Batara.” Lanri kammana naaremmi Lamekh anjo anaka Nuh.

³⁰Le'baki anjo tallasa'iji 595 taung sallona Lamekh. Anggappami pole ana'-ana' maraengannaya,

³¹nampa mate ri wattunna narapi' 777 taung umuru'na.

³²Ri wattunna narapi' 500 taung umuru'na Nuh, anggappai tallu ana' bura'ne, iamintu Sem, Yafet siagang Ham.