Read Makassar Version – KITTA' MATANGKASA 1 PATTOTTORANG 11 Bible Online

1 PATTOTTORANG 11 - Makassar Version – KITTA' MATANGKASA bible

1 PATTOTTORANG 11

¹Sikontu pamimping bansa Israel battui mae ri Daud niaka ri Hebron. Nakana ke'nanga, “Ikambe anne bijanta ngaseng.

²Riolo iji, ba'lalo ri ri wattu ammarentana ija Saul mae ri kambe, ikattemi tuli ampimpingi tantarana Israel punna maju mange a'bundu'. Nampa pole le'ba'mi a'janji Karaeng Allata'alata, angkanaya ikattemi lampimpingi umma'Na siagang a'jari karaenna ke'nanga.”

³Jari appare'mi parjanjiang Daud siagang anjo pamimping-pamimpinna Israel. Nampa nalanti'mo ke'nanga Daud a'jari karaenna Israel sangkamma le'baka Napa'janjiang Batara tete ri Samuel.

⁴ Ri se'reang wattu a'lampami Daud siagang sikontu tantarana Israel mange ambunduki kota Yerusalem. Anjo wattua anjo kotaya niarengi kota Yebus, siagang nipammantangi ri tu Yebus, pandudu' aslina anjo kotaya.

⁵Le'ba'mi nakanang tu Yebus mae ri Daud angkanaya tena olona lakkulle Daud ampantamakki anjo kotana ke'nanga. Mingka akkullemi narampasa' Daud benteng pattahanganna ke'nanga niarenga Sion. Anjo wattua le'ba'mi napa'la'bang napau Daud mae ri ana'-ana' buana angkanaya inai-inai kaminang riolo ammuno tu Yebus, ia lanipa'jari panglima. Jari lanri Yoab kaminang riolo ammuno tu Yebus, iami niangka' a'jari panglima (amma'na Yoab niarengi Zeruya). Le'ba'namo naalle benteng pattahanganna iamintu Sion, ammantammi Daud anjoreng. Iaminjo saba'na nappakkaramulamo niareng “Kota Daud” anjo benteng pattahanganga anjo wattua.

⁸Nabangung poleammi Daud anjo kotaya, appakkaramula ri tampa' nipakatinggia butta pannambungi ri bageang rayanganna bontoa; nampa napannarrusu' Yoab anjo pambangunanga sa'genna le'ba'.

⁹Pila' mange allo pila' kassaki Daud, lanri nitulungi ri Batara Makoasaya.

¹⁰Iaminne areng-arenna sikamma perwira-perwira tantarana Daud, ia masahoroka. A'rurung siagang sikontu ra'ya' Israel a'bundu'mi ke'nanga sollanna a'jari Karaeng Daud sangkamma apa le'baka Napa'janjiang Batara. Na tuli napakajarre'na ke'nanga pamarentahanna Daud.

¹¹Perwira lomoro' se'rea iamintu Yasobam, tu Hakhmoni, iami ampimpingi nikanaya “Tallua Perwira”. Le'baki lalang se'reang pa'bundukang angngewa 300 musu, nanabuno ngaseng ke'nanga siagang pokena.

¹²Makaruaya lalang ri anjo Tallua Perwira iamintu Eleazar, ana'na Dodo, battu ri passibijanna Ahohi.

¹³Lalang ri pa'bundukang ri Pas-Damim, amminawang tommi a'bundu' ammenteng ri piha'na Daud angngewai tu Filistin. Ri wattunna appakaramulamo lari tantara Israel, ia siagang ana' buana attahangi ri tangnga-tangngana se'reang koko gandung, a'bundu' angngewai tu Filistin. Nampa nisaremo pammetang lompo ri Batara.

¹⁵Ri se'reang allo, nia' tallu battu ri tallumpuloa perwira tantarana Daud mange andallekang ri Daud ri se'reang tampa' pammantangang ri se'reang bulu' batu ri ampi'na Gua Adulam. Anjo wattua akkemai tu Filistin ri Lappara' Refaim, na nia' sitangnga tantarana ke'nanga angngempoi Betlehem.

¹⁷Nakku'mi Daud ero' ammotere' ri anjo bori' pa'rasanganna na nakana, “Ka'de' akkullea' anggappa je'ne' inung battu ri bungung niaka ri ampi'na pakke'bu' lompona Betlehem.”

¹⁸Nalangngere'na akkana kamma Daud, a'lampa cokko'-cokkomi anjo tallua perwira angngolo ri tampa' kemana tu Filistin, nampa anynye'ro' je'ne' battu ri anjo bungunga, nampa naerang mange ri Daud. Mingka taerokai Daud angnginungi, ba'lalo natumpai anjo je'neka salaku napassareang mae ri Batara.

¹⁹Nakanamo, “Lanri Allata'ala, takkulleai kuinung anne je'neka! Punna kuinungi, sanrapangi kuinung cera'na tau mate le'baka ampassareangi nyawana!” Jari tea sikali Daud angnginungi anjo je'neka. Iaminjo jasa-jasana anjo tallua perwira barania.

²⁰Anjo tallumpuloa perwira masahoroka nigallara' tongi “Tallumpuloa Perwira”. Nipimpingi ke'nanga ri Abisai andi'na Yoab. Le'baki ammuno musu 300 tau siagang pokena, na lanri iaminjo na'jari masahoro'. Mingka tenapa nasangkamma heba'na siagang anjo Tallua Perwira.

²²Nia' pole sitau perwira masahoro', iamintu Benaya, ana'na Yoyada, tu Kabzeel. Sannaki baranina. Le'baki nia' rua tubaranina Moab nabuno. Le'baki ri se'reang wattu sanna' dinginna, nantama' ri se'reang kali'bong ammuno singa lalang.

²³Le'ba' tongi ammuno se're tu Mesir, ia sannaka lompona pakkaleanna; tinggina la'bi rua metere'. Sanjatana anjo taua iamintu poke sannaka lompona, mingka palu-paluji napake Benaya angngewai. Narampasaki anjo poke niaka ri limanna anjo tu Mesirka nampa napake ambunoi anjo taua.

²⁴Iaminjo jasa-jasana Benaya, kalase'renna anjo Tallumpuloa Perwira.

²⁵Iaminjo Benaya kaminang heba' ri anjo ke'nanga, mingka tenapa nasangkamma heba'na anjo Tallua Perwira. Niangka'mi ri Daud a'jari kapala pangawala' ri kalenna.

²⁶Iaminne areng-arenna perwira maraenganga, ia masahoroka: Asael andi'na Yoab Elhanan ana'na Dodo, tu Betlehem Samot, tu Harod Heles, tu Peloni Ira ana'na Ikes, tu Tekoa Abiezer, tu Anatot Sibkhai, tu Husa Ilai, tu Ahohi Maharai, tu Netofa Heled ana'na Baana, tu Netofa Itai ana'na Ribai, tu Gibea, ri daera suku Benyamin Benaya, tu Piraton Hurai, tu ri lappara'na Gaas Abiel, tu Araba Azmawet, tu Bahurim Elyahba, tu Saalbon Hasyem, tu Gizon Yonatan ana'na Sage, tu Harari Ahiam ana'na Sakhar, tu Harari Elifal ana'na Ur Hefer, tu Mekherati Ahia, tu Peloni Hezrai, tu Karmel Naarai, ana'na Ezbai Yoël, sari'battanna Natan Mibhar, ana'na Hagri Zelek, tu Amon Naharai, tu Beerot, paerang sanjatana Yoab Ira siagang Gareb, tu Yetri Uria, tu Het Zabad, ana'na Ahlai Adina, ana'na Siza (kalase'renna (...)