Read Makassar Version – KITTA' MATANGKASA 1 PATTOTTORANG 20 Bible Online

1 PATTOTTORANG 20 - Makassar Version – KITTA' MATANGKASA bible

1 PATTOTTORANG 20

¹ Ri wattu ribokoanganna, iamintu ri wattu biasana a'lampa karaenga a'bundu', napagio'mi tantarana Yoab mange a'bundu' nampa narampasa' pa'rasangang Amon. Anjo wattua ammantanji Daud ri Yerusalem, siagang tamminawangai. Yoab siagang tantarana nakurummi kota Raba, nampa nabunduki siagang naancuru' anjo kotaya.

²Le'baki anjo battumi Daud. Najai sikalimo barang nirampasa' naalle battu ri anjo kotaya. Nia' tommi naalle songko' kakaraenganna Karaeng Amon. Battala'na anjo songko' karaenga kira-kira nia' 34 kilo, nania' se're paramatana. Naallemi Daud anjo paramataya nampa napadakki' ri songko' kakaraengang kalenna.

³Nampa naerang a'lampa pandudu'na anjo kota Raba, nanapajama ke'nanga untu' a'garagaji, ammingkung siagang ammangkulu'. Kamma tomminjo nagaukangi kota-kota Amon maraengannaya. Le'baki anjo ammotere'mi Daud siagang sikontu tantarana mange ri Yerusalem.

⁴Siapa are wattu le'ba'na anjo a'bundu'mi pole ke'nanga, iamintu angngewa tu Filistin ri Gezer. Ri se'reang pa'bundukanga anjo, ammunomi Sibkhai iamintu tu Husa, se're tu Filistin sannaka lompoa kalenna, iamintu niarenga Sipai. Na nibetamo tu Filistin.

⁵ Lalang ri pa'bundukang maraengannaya angngewai tu Filistin ammunomi Elhanan iamintu ana'na Yair tu niarenga Lahmi sari'battanna Goliat tu Gat. La'ba'na pa'na'gallanna pokena anjo Lahmi teai sipato' lompona.

⁶Lalang ri pa'bundukang maraengannaya ri Gat, nia' sitau sannaka lompona kalenna, ia annanga karemenna ri limanna siagang bangkenna. Ia turungang tu sanna' lompona battu ri jammang riolo.

⁷Nacau-caui tu Israel, na lanri kammana nanibunomo ri Yonatan, ana'na Simea daenna Daud.

⁸Anjo tallua tunibuno ri Daud siagang pasukanna, turungang tu sanna' lompona kalenna ri Gat.