Read Makassar Version – KITTA' MATANGKASA 1 PATTOTTORANG 4 Bible Online

1 PATTOTTORANG 4 - Makassar Version – KITTA' MATANGKASA bible

1 PATTOTTORANG 4

¹Iaminne sipa'gang turungang battua ri Yehuda: Peres, Hezron, Karmi, Hur, siagang Syobal.

²Syobal iami manggena Reaya, na Reaya iami manggena Yahat. Na Yahat nia' rua ana'na bura'ne, iamintu: Ahumai siagang Lahad. Iaminne ke'nanga boe-boena tau niaka ammantang ri kota Zora.

³Ana' bura'ne kaminang toana Kaleb battu ri bainenna niarenga Efrat iamintu niarenga Hur. Turungang battua ri Hur iami ambangungi kota Betlehem. Ana'-ana'na Hur iamintu Etam, Pnuel, siagang Ezer. Etam nia' tallu ana'na bura'ne, iamintu niarenga: Yizreel, Isma, siagang Idbas, na sitau ana' baine, iamintu niarenga Hazelelponi. Pnuel ambangungi kota Gedor siagang Ezer ambangungi kota Husa.

⁵Asyhur, ambangungai kota Tekoa, nia' rua bainenna, iamintu Hela siagang Naara.

⁶Battu ri Naara anggappai appa' ana' bura'ne, iamintu: Ahuzam, Hefer, Temeni, siagang Ahastari.

⁷Battu ri Hela anggappai Asyhur tallu ana' bura'ne, iamintu: Zeret, Yezohar, siagang Etnan.

⁸Anub siagang Hazobeba, iami ana'-ana' bura'nena Kos, boe-boena turungang battua ri Aharhel ana'na Harum.

⁹Nia' sitau bura'ne niareng Yabes, ia kaminang nipakala'biri' ri alla'na sikamma sari'battanna. Niarengi Yabes ri amma'na, lanri sanna'na sessana amma'na ri wattunna nilassukang.

¹⁰Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.

¹¹Kelub, sari'battanna Suha, nia' ana'na niarenga Mehir. Ana'na Mehir iamintu Eston,

¹²na Eston nia' tallu ana'na bura'ne, iamintu: Bet-Rafa, Paseah, siagang Tehina, ambangungai kota Nahas. Turungang battua ri anne taua iami ammantang ri kota Reka.

¹³Kenas nia' rua ana'na bura'ne iamintu niarenga: Otniel siagang Seraya. Otniel nia' todong rua ana'na bura'ne, iamintu: Hatat siagang Meonotai.

¹⁴Ana'na Meonotai iamintu Ofra. Ana'na Seraya iamintu Yoab, ambangungai Lappara' Tukang-tukanga. Sikontu tau ammantanga anjoreng ri anjo lapparaka, iami panre-panrea ri jama-jamang tukanga.

¹⁵Kaleb, ana'na Yefune, nia' tallu ana'na bura'ne, iamintu: Iru, Ela, siagang Naam. Ana'na Ela iamintu Kenas.

¹⁶Yehaleleel nia' appa' ana'na bura'ne, iamintu: Zif, Zifa, Tireya, siagang Asareel.

¹⁷Ana'-ana' bura'nena Ezra nia' appa', iamintu: Yeter, Mered, Efer, siagang Yalon. Mered a'buntingi siagang Bica, ana' bainena karaeng Mesir. Anggappai ke'nanga sitau ana' baine, niarenga Miryam, narua ana' bura'ne niarenga Samai siagang Yisba. Na Yisba iami ambangungi kota Estemoa. Mered a'bunting tommi siagang sitau baine battu ri suku Yehuda; nia' tallu ana'na bura'ne ke'nanga, iamintu: Yered, ambangungai Gedor, Heber, ambangungai kota Sokho, siagang Yekutiel, ambangungai kota Zanoah.

¹⁹Hodia a'buntingi siagang sari'battang bainena Naham. Turunganna ke'nanga iamintu boe-boena tu Garmi siagang Maakha. Tu Garmi ammantangi ri kota Kehila, na tu Maakha ammantangi ri kota Estemoa.

²⁰Simon nia' appa' ana'na bura'ne, iamintu: Amnon, Rina, Benhanan, siagang Tilon. Yisei nia' rua ana'na bura'ne, iamintu: Zohet siagang Ben-Zohet.

²¹Kalase'renna ana'na Yehuda niarengi Sela. Turunganna iamintu: Er, ambangungai kota Lekha Lada, ambangungai kota Maresa Tu patannung kaeng lenanga ri kota Bet-Asybea Yokim Tu ammantanga ri kota Kozeba Yoas Saraf, a'buntinga siagang baine-baine tu Moab nampa ammotere' mange ri Betlehem. Anjo pattottoranga nipalembai battu ri tulisang sannakamo sallona.

²³Yangasenna ke'nanga papare' gumbang siagang katoang untu' karaenga, siagang niaka ammantang ri kota Netaim siagang Gedera.

²⁴Simeon nia' lima ana'na bura'ne, iamintu: Nemuel, Yamin, Yarib, Zerah, siagang Saul.

²⁵Turungang battua ri Saul iamintu: Salum Mibsam Misma Hamuel Zakur Simei.

²⁷Simei nia' ruampulo anrua ana'na, iamintu sampulo angngannang bura'ne na annang baine. Mingka sikamma sari'battanna Simei sike'de'ji ana'na. Turungang battua ri Simeon tena nakamma jaina turungang battua ri Yehuda.

²⁸ Sa'genna narapi' jammanna Karaeng Daud, ia turungang battua ri Simeon niaki ammantang ri kota-kota: Bersyeba, Molada, Hazar-Sual,

²⁹Bilha, Ezem, Tolad,

³⁰Betuel, Horma, Ziklag,

³¹Bet-Markabot, Hazar-Susim, Bet-Biri, siagang Saaraim.

³²Ammantang tongi ke'nanga ri tampa' maraenga, iamintu: Etam, Ain, Rimon, Tokhen, Asan,

³³siagang ri kampong-kampong niaka ri tammulilina anjo tampaka, sa'genna kota Baal bellana ri bageang laukang. Kammaminjo niaka tattulisi' ri passala'na pattottorang niaka ri Simeon, kammayatompa tampa'-tampa' napammantangia ke'nanga.

³⁴Iaminne sikamma kapalaya niaka lalang ri suku Simeon: Mesobab Yamlekh Yosa, ana'na Amazia Yoël Yehu, ana'na Yosibya (Yosibya ana'na Seraya, cucunna Asiel) Elyoënai Yaakoba Yesohaya Asaya Adiel Yesimiel Benaya Ziza, ana'na Sifei (garisi' nai'na pattottoranna Sifei iamintu: Alon, Yedaya, Simri, siagang Semaya). Lanri tuli pila' katambangi bija-bijanna ke'nanga,

³⁹jari tassiara'mi ke'nanga a'lampa kalau' sa'genna mange ri ampi'na kota Gedor niaka ri se'reang ka'bung. Ri bageang rayanganna anjo ka'bunga nia'mo nabuntulu' ke'nanga parang luaraka na coppong ruku'na siagang bajika untu' napangnganrei olo'-olo'na ke'nanga. Riolo anjo daeraya napammantangi tu Ham lalang katallassang salewangang.

⁴¹Ri jammang Hizkia a'jari karaeng Yehuda, anjo turungang battua ri Simeon, nabunduki Gedor. Naancu'-ancuruki ke'nanga sikamma kemana tau ammantanga ri anjo kotaya siagang tu Meunim, nampa nabongka tau ammantanga anjoreng. Nampa ammantang ke'nanga anjoreng lanri jaina parang ruku'na untu' olo'-olo'na ke'nanga.

⁴²Nia' 500 anggota battu ri suku Simeon a'lette' anrai' ri Edom, nipimpinga ri ana'-ana'na Yisei, iamintu Pelaca, Nearya, Refaya, siagang Uziel.

⁴³Nabunoi ke'nanga sikamma tu Amalek niaka tassesa, nampa appakkaramula anjo wattua ammantang tulimi ke'nanga anjoreng.