Read Makassar Version – KITTA' MATANGKASA 1 PATTOTTORANG 7 Bible Online

1 PATTOTTORANG 7 - Makassar Version – KITTA' MATANGKASA bible

1 PATTOTTORANG 7

¹Isakhar nia' appa' ana'na bura'ne, iamintu: Tola, Pua, Yasub, siagang Simron.

²Tola nia' annang ana'na bura'ne, iamintu: Uzi, Refaya, Yeriel, Yahmai, Yibsam, siagang Samuel. Iami ke'nanga kapala kaluarga lalang ri tu Tola siagang masahoroka niasseng salaku tantara barani. Ri jammanna Karaeng Daud, turunganna ke'nanga nia' 22.600 jaina.

³Uzi nia' sitau ana'na bura'ne, niarenga Yizrahya. Yizrahya siagang appaka ana'na bura'ne, iamintu Mikhael, Obaja, Yoël, siagang Yisia, iami a'jari kapala.

⁴Sanna' jaina bainenna siagang ana'na ke'nanga, sa'genna akkulle napasadia ke'nanga 36.000 bura'ne untu' a'jari tantara.

⁵Manuru' apa niaka nicata', battu ri sikontu kaluarga niaka lalang ri suku Isakhar, nia' 87.000 tau bura'ne akkullea a'jari tantara.

⁶Benyamin nia' tallu ana'na bura'ne, iamintu: Bela, Bekher, siagang Yediael.

⁷Bela nia' lima ana'na bura'ne, iamintu: Ezbon, Uzi, Uziel, Yerimot, siagang Iri. Iami ke'nanga a'jari kapala kaluarga lalang ri ke'nanga, siagang masahoroka niasseng salaku tantara barani. Lalang ri pattottoranna ke'nanga nia' nicata' 22.034 tu bura'ne akkullea a'jari tantara.

⁸Bekher nia' salapang ana'na bura'ne, iamintu: Zemira, Yoas, Eliezer, Elyoënai, Omri, Yeremot, Abia, Anatot, siagang Alemet.

⁹Iami ke'nanga a'jari kapala lalang ri massing kaluargana ke'nanga. Lalang ri pattottoranna ke'nanga nia' nicata' 20.200 tu bura'ne akkullea a'jari tantara.

¹⁰Yediael nia' sitau ana'na bura'ne, niarenga Bilhan. Bilhan nia' tuju ana'na bura'ne, iamintu: Yeus, Benyamin, Ehud, Kenaana, Zetan, Tarsis, siagang Ahisahar.

¹¹Iami ke'nanga a'jari kapala kaluarga lalang ri massing kaluargana ke'nanga, siagang masahoroka niasseng salaku tantara barani. Lalang ri pattottoranna ke'nanga nia' nicata' 17.200 tu bura'ne akkullea a'jari tantara.

¹²Supim siagang Hupim, iami turungang battu ri Ir. Husim iami ana'na Dan.[1]

¹³Naftali nia' appa' ana'na bura'ne, iamintu: Yahziel, Guni, Yezer siagang Salum. Iami ke'nanga cucunna Bilha.[2]

¹⁴Manasye siagang baine maraenna, iamintu sitau baine battu ri Aram, nia' rua ana'na bura'ne, iamintu: Asriel siagang Makhir. Ana'na Makhir iamintu Gilead.

¹⁵Napa'boyangi Makhir baine untu' Hupim siagang Supim. Bainenna Makhir niarengi Maakha. Ana'na Makhir makaruaya iamintu Zelafead. Zelafead tena ana'na bura'ne, poro baineji bawang.

¹⁶Bainenna Makhir niarenga Maakha, allassukangi rua ana' bura'ne niarenga Peres siagang Seres; Peres nia' rua ana'na bura'ne, iamintu niarenga: Ulam siagang Rekem.

¹⁷Ulam nia' sitau ana'na bura'ne, niarenga Bedan. Iaminjo turungang batu ri Gilead, ana'na Makhir, cucunna Manasye.

¹⁸Sari'battang bainena Gilead, niarenga Molekhet, nia' tallu ana'na bura'ne, iamintu: Isyhod, Abiezer, siagang Mahla.

¹⁹Semida nia' appa' ana'na bura'ne, iamintu: Ahyan, Sekhem, Likhi, siagang Aniam.

²⁰Efraim nia' tallu ana'na, iamintu: Sutelah, Ezer, siagang Elad. Garisi' turungang battua ri Efraim lanri ri Sutelah iamintu: Bered, Tahat, Elada, Tahat, Zabad, Sutelah. Ezer siagang Elad, nibunoi ri wattunna ero' nalukka' olo'-olo'na pandudu' sallona pa'rasangang Gad.

²²Siapa are sallona sangnging susa manggena ke'nanga, sa'genna battumo sikamma sari'battanna ansaleori.

²³Nampa assikatinroammo pole Efraim siagang bainenna, sa'genna attianang bainenna, nampa allassukang sitau ana' bura'ne. Nasaremi areng Efraim anjo ana'na, iamintu Beria, lanri anjo susa le'baka antujui.

²⁴Efraim nia' ana'na baine niareng Seera. Iami ambangungi kota-kota Bet-Horon Rawaya siagang Bet-Horon Ratea, kammayatompa kota Uza siagang Seera.

²⁵Nia' pole sitau ana'na Efraim bura'ne, niareng Refah. Ia garisi' turungang battua ri Refah, iamintu: Resef, Telah, Tahan,

²⁶Ladan, Amihud, Elisama,

²⁷Nun, siagang Yosua.

²⁸Daera nipassareanga untu' napammantangi ke'nanga iamintu: battu ri Betel sa'genna Naaran bellana ri bageang iraya, siagang Gezer ri bageang lau' kammayatompa desa-desa niaka ri tammulilina anjo kota-kotaya. Lalang ri anjo daeraya antama' tommi kota Sikhem siagang Aya, kammayatompa desa-desa niaka ri tammulilina.

²⁹Turungang battua ri Manasye angkoasai kota Bet-Sean, Taanakh, Megido, Dor, siagang desa-desa niaka ri tammulilina. Ia ngasemminjo daera pammantanganna turungang battua ri Yusuf, ana'na Yakub.

³⁰Iaminne turungang battua ri Asyer. Nia' appa' ana'na bura'ne, iamintu: Yimna, Yiswa, Yiswi, Beria, siagang sitau ana' baine niareng: Serah.

³¹Beria nia' ana'na rua bura'ne, iamintu: Heber, siagang Malkiel ambangungai Birzait.

³²Heber nia' tallu ana'na bura'ne, iamintu: Yaflet, Somer, Hotam, siagang sitau ana' baine, niareng Sua.

³³Yaflet nia' todong tallu ana'na bura'ne, iamintu: Pasakh, Bimhab, siagang Asywat.

³⁴Somer sari'battanna Yaflet, nia' appa' ana'na bura'ne, iamintu: Ahi, Rohga, Yehuba, siagang Aram.

³⁵Hotam,[3] sari'battanna Yaflet se'reanga, nia' appa' ana'na bura'ne, iamintu: Zofah, Yimna, Seles, siagang Amal.

³⁶Turungang battua ri Zofah iamintu: Suah, Harnefer, Syual, Beri, Yimra,

³⁷Bezer, Hod, Sama, Silsa, Yitran siagang Beera.

³⁸Turungang battua ri Yeter iamintu: Yefune, Pispa, siagang Ara.

³⁹Turungang battua ri Ula iamintu Arah, Haniel, siagang Rizya.

⁴⁰Iaminjo turungang battua ri Asyer. Ia ngasemmi ke'nanga kapala kaluarga siagang masahoroka salaku tantara-tantara barania kammayatompa pamimping-pamimping lompoa. Lalang ri pattottorang battua ri Asyer nia' nicata' 26.000 tu bura'ne akkullea a'jari tantara.