Read Makassar Version – KITTA' MATANGKASA 1 PATTOTTORANG 9 Bible Online

1 PATTOTTORANG 9 - Makassar Version – KITTA' MATANGKASA bible

1 PATTOTTORANG 9

¹Sikontu Tu Israelka nicataki situru' massing kaluargana ke'nanga. Anjo pattottoranga nicataki lalang ri kitta' Sikamma Karaenga ri Israel. Salaku hukkungang mae ri kota-kotana kenanga, nierammi ra'ya'na Yehuda mange ri butta pammelakkanga.

² Ia uru-uru ammotereka battu ri ke'nanga mange ri butta sossoranna ke'nanga ri kota-kotaya iamintu tujaia, imang-imanga, tu Lewi siagang pajama-jamaya ri Balla'Na Batara.

³Sipa'gang battu ri suku Yehuda, Benyamin, Efraim, siagang Manasye ammotereki siagang ammantangi ri Yerusalem.

⁴Nia' 690 kaluarga battu ri suku Yehuda ammantang ri Yerusalem, antama' tommi turungang battua ri Yehuda niarenga Peres, Syela, siagang Zerah. Turungang battua ri Peres nipimpingi ri Utai. Garisi' turungang battua ri Utai, battu rawa sa'genna nai', iamintu: Utai, Amihud, Omri, Imri, siagang Bani. Turungang battua ri Syela nipimpingi ri Asaya. Iami a'jari kapala kaluarga. Turungang battua ri Zerah nipimpingi ri Yeuel.

⁷Suku Benyamin niaka ammantang ri Yerusalem nia' 956 kaluarga. Kapala-kapala kaluargana ke'nanga iamintu: Salu ana'na Mesulam, cucunna Hodawya, cucu kulantu'na Hasenua Yibnia ana'na Yeroham Ela ana'na Uzi, cucunna Mikhri Mesulam ana'na Sefaca, cucunna Rehuel, cucu kulantu'na Yibnia.

¹⁰Imang-imang niaka ammantang ri kota Yerusalem iamintu: Yedaya, Yoyarib, siagang Yakhin Azarya ana'na Hilkia, boe-boena iamintu Mesulam, Zadok, Merayot, siagang Ahitub. (Azarya a'jari kapala pagawe lalang ri Balla'Na Batara.) Adaya ana'na Yeroham; boe-boena iamintu Pasyhur siagang Malkia. Masai ana'na Adiel, boe-boena iamintu Yahzera, Mesulam, Mesilemit, siagang Imer.

¹³Yangasenna imang a'jaria kapala kaluarga, iamintu 1.760 jaina. Cara'deki ke'nanga anggaukangi yangasenna jamang-jamang lalanga ri Balla'Na Batara.

¹⁴Tu Lewi niaka ammantang ri kota Yerusalem, iamintu: Semaya ana'na Hasub; boe-boena iamintu Azrikam siagang Hasabya battu ri bija Merari Bakbakar, Heres siagang Galal Matanya ana'na Mikha; boe-boena iamintu Zikhri siagang Asaf Obaja ana'na Semaya; boe-boena iamintu Galal siagang Yedutun Berekhya ana'na Asa, cucunna Elkana, ammantanga ri kota Netofa.

¹⁷Sikamma pangawala'na Balla'Na Batara ia niaka ammantang ri kota Yerusalem siagang kaluargana ke'nanga, iamintu: Akub, Talmon, Ahiman, siagang Salum kapala pangawalaka.

¹⁸Sa'genna anne alloa battu ri bija-bijannami anne ke'nanga nisare tugasa' anjagai Pakke'bu' Lompona Karaenga[7] ri bageang rayaya. Riolo bija-bijanna ke'nanga nisarei tugasa' anjagai sikamma pakke'bu' lompo mangea ri pa'ballakkanna tu Lewi.

¹⁹Ia nisarea tugasa' anjagai pakke'bu' antamaya ri KemaNa Batara iamintu Salum siagang yangasenna bijanna, iamintu kammaya Korah. (Salum iamintu ana'na Kore, cucunna Ebyasaf.) Riolo boe-boena todong ke'nanga anggaukangi anjo tugasaka ri wattunna allayani ke'nanga ri KemaNa Batara.

²⁰Pinehas (battuanna poro nila'langi ri Batara) le'ba' a'jari kapalana ke'nanga.

²¹Zakharia ana'na Meselemya, a'jari tongi pangawala' pakke'bu'na KemaNa Batara.

²²Ia nipilea untu' anjagai sikamma pakke'bu' lompoa iamintu 212 tau jaina. Nicataki arenna ke'nanga ri desa-desa pammantanganna ke'nanga. Boe-boena ke'nanga nisarei anjo jabatanga battu ri Karaeng Daud siagang Na'bi Samuel.

²³Appakkaramulai anjo wattua ia ke'nanga siagang turunganna ke'nanga tuli a'jarimi pajaga pakke'bu' lompona Balla'Na Batara.

²⁴Nia' appa' pakke'bu', iamintu: se're warakkang, se're timborang, se're rayangngang, siagang se're laukang. Ri massing-massing pakke'bu' nitampakkammi sitau tu Lewi a'jari kapala pajaga.

²⁵Sikamma sari'battanna ke'nanga niaka ammantang ri desa-desaya, a'le'basa'mi ambantui ke'nanga, sidaminggu sallona tassikali.

²⁶Mingka anjo appaka kapala pajaga tuli tugasa'na. Iami ke'nanga tanggong jawa' untu' sikamma kamara'na Balla'Na Batara siagang sikamma barang-barang nibolika lalang.

²⁷Ambani ke'nanga ammantang ri Balla'Na Batara, nasaba' musti najagai ke'nanga anjo ballaka siagang tuli nasungkei sikamma pakke'bu' lompona punna bari'basa'.

²⁸Sipa'gang tu Lewi tanggong jawa' ri pakakasa'-pakakasaka untu' assambayanga. Iami ke'nanga anrekengi punna nipasulu' yareka punna nipoterang.

²⁹Sipa'gang pole tanggong jawa' ri pakakasa' maraengannaya siagang ri labuka, anggoroka, minynya' zaitunga, kamanynyanga, kammayatompa rampa-rampaya.

³⁰Mingka ia tanggong jawaka ancampuruki anjo rampa-rampaya iamintu imang-imanga.

³¹Ia tanggong jawaka ampareki koro'bang nitunua[8] iamintu sitau tu Lewi niarenga Matica, ana' toana Salum battua ri bijanna Korah.

³²Tu battua ri bijanna Kehat, iami tanggong jawa' untu' ampasadiai roti lanipatalaya untu' Batara punna allo Pammari-mariang.

³³Sipa'gang tu Lewi maraengannaya, iami tugasa' anjari pakelong lalang ri Balla'Na Batara. Sikamma kapala-kapala kaluargana ke'nanga ammantangi ri siapa are bangunang ri Balla'Na Batara. Tena nisarei ke'nanga tugasa' maraeng, lanri tugasa' allo bangngi ke'nanga.

³⁴Sikamma anjo tau nipaua arenna irate, iami kapala-kapala kaluarga tu Lewi, situru' garisi' turunganna ke'nanga. Iami ke'na pamimping-pamimping niaka ammantang ri kota Yerusalem.

³⁵Yeiel ambangungi kota Gibeon, nampa ammantang anjoreng. Bainenna niarengi Maakha,

³⁶siagang ana' bura'ne toana niarengi Abdon; ia ana'na maraenganga iamintu: Zur, Kish, Baal, Ner, Nadab,

³⁷Gedor, Ahyo, Zakharia siagang Miklot,

³⁸manggena Simea. Turunganna ke'nanga ammantangi ri kota Yerusalem siagang sikamma kaluarga maraenga ia a'julu bijaya siagang ke'nanga.

³⁹Manggena Karaeng Saul niarengi Kish, na toana niarengi Ner. Saul nia' appa' ana'na bura'ne, iamintu: Yonatan, Malkisua, Abinadab, siagang Esybaal.[9]

⁴⁰Yonatan nia' ana'na bura'ne niareng Meribaal,[10] manggena Mikha.

⁴¹Mikha nia' appa' ana'na bura'ne, iamintu: Piton, Melekh, Tahrea, siagang Ahas.

⁴²Ana'na Ahas niarengi Yoada niaka tallu ana'na bura'ne, iamintu: Alemet, Asmawet, siagang Zimri. Garisi' turungang battua ri Zimri iamintu: Moza,

⁴³Bina, Rafa, Elasa, siagang Azel.

⁴⁴Azel nia' annang ana'na bura'ne, iamintu: Azrikam, Bokhru, Ismael, Searya, Obaja, siagang Hanan.