Read Makassar Version – KITTA' MATANGKASA AYUB 3 Bible Online

AYUB 3 - Makassar Version – KITTA' MATANGKASA bible

AYUB 3

¹ Appakaramulami Ayub a'bicara siagang nasassala' allo kalassukanna, nakana,

²“O, Allata'ala, Kitunraimi allo kalassukangku, siagang bangngi appakaramulaku nitianangngang ri ammakku!

⁴O, Allata'ala, Kipa'jari sassang laloi anjo alloa, pela'mi ri pangngu'ranginTa sa'genna lanynya'; tea tongKi' lappassangi caya singaraka ansingari.

⁵Kipa'jari anjo alloa le'leng pakka', sassang makkapu' siagang anremeng; Kikalimbuki siagang saliu' na rammang, Kitongkoki natanatabaya singara'na alloa.

⁶Poro nipattaena lalomi anjo bangngia battu ri bilanna taunga siagang bulanga; teami naniu'rangi pole, tea tommi nibilangngi.

⁷Boli'mi kamma bangngia rassi siagang sassang, tena passikarimangngi, tena karannuang.

⁸He tu sanroa siagang tuppajappana Lewiatan tujumi anjo alloa siagang passumpa na pattunra;

⁹gassingka accayai bintoeng wari-waria, teako pa'biangngi accaya singara'na alloa! Boli'mi kamma sia-sia attayang anjo bangngia ri kabattuanna alloa siagang minasa berua.

¹⁰Nitunraimi bangngi cilakaya ri wattungku nilassukang ri ammakku, siagang nibalang parekang antanggongi pa'risika.

¹¹Angngapa kutamatea lalang ri battanna ammakku, yareka tappu' nyawaku ri wattungku nilassukang?

¹²Angngapa kuniraka' siagang niriwa ri ammakku, siagang nipasusu ri susunna?

¹³Ebara' angkana ammoteramma' anjo wattua, attinroma' siagang ammari-marima' sannang kusa'ring,

¹⁴sangkamma sikontu karaenga siagang pamarentaya riolo dudu, ambangung poleangai balla' lompo jammang riolo dudu.

¹⁵Attinroa' sangkamma ana' bura'ne karaeng, amboneai balla'na siagang pera' na bulaeng.

¹⁶Angngapa natena memang natappu' nyawaku ri wattungku nilassukang sollanna nyamang siagang sannang tinroku?

¹⁷Anjoreng, lalang ri kuburuka, tau ja'dalaka tenamo na'gau' ja'dala', pakaresoa cappu'mi kagassinganna akkullemi ammari-mari poso.

¹⁸Kammayatompa tunitahanga assaumi nasa'ring, bellami ri pangga'gara'na sikamma pajagaya.

¹⁹Anjoreng sangkamma ngasengi taua: tau masahoro' siagang tau tenaya niassengi arenna. Siagang bebasa'mi kale'bakkanna sikamma ataya.

²⁰Angngapa natulusu' nibalang parekang pa'risi' tallasa'na rupataua? Angngapa nanipassareang singaraka mae ri susaya?

²¹ Nangaiangngangi ke'nanga kuburuka kala barang-baranga, attayang mate, mingka tena battuna.

²²Nampami akkulle nikasia' mate'nea punna matemo ke'nanga na nitarawang.

²³Allo ri dallekanna ke'nanga nikalimbuki ri Allata'ala, nitammulili ke'nanga ri Ia battu ri kere-keremae.

²⁴Sambenna angnganrea, akkunrarenga', tena ammariku a'rikong.

²⁵Sikontu kukalussakkanga, iami antuju ngasenga', sikontu kukamallakkanga, iami ambakkaia'.

²⁶Tena kasannangngang mae ri nakke, pa'risikka' tena kale'bakkanna.”