Read Makassar Version – KITTA' MATANGKASA PAMMUJI 101 Bible Online

PAMMUJI 101 - Makassar Version – KITTA' MATANGKASA bible

PAMMUJI 101

¹Pammujina Daud. Erokka' akkelong ri passala' tamamminraNa siagang kaadelanNa, mae ri Katte, o, Batara, kelong pammujiku!

²Erokka' amparhatikangi cara tallasa'na tau tenaya callanna. Angngapapi naKibattu mae ri nakke? Erokka' attallasa' matangkasa' ri ballakku,

³tena nalakubalang parekang kaja'dallanga. Kukabirisi panggaukanna tau ta'gilinga, siagang tena kuero' siurusu' siagang ke'nanga.

⁴Taeroka' a'gau' jekkong siagang taeroka' ampantamaki kalengku ri kaja'dallanga.

⁵Tau a'mere'-merekia ampitinai paranna tau lakuballassi. Tau tampoa siagang tinggi langgaya tena nalakubalang parekangi.

⁶Kungai tau tamamminraya pa'mai'na mae ri Allata'ala; akkullei ammantang ke'nanga ri ballakku. Tau tenaya callanna ri tallasa'na akkullei a'jari palayang mae ri nakke.

⁷Patipua takkulleai ammantang ri ballakku; paballe-ballea talattahangngai ri dallekangku.

⁸Allo-alloi lakupaccappu' sikamma tau ja'dalaka ri anne pa'rasanganga. Sikontu tau manggaukanga kaja'dallang lakupa'lanynyaki battu ri kotaNa Batara.