Read Makassar Version – KITTA' MATANGKASA PAMMUJI 112 Bible Online

PAMMUJI 112 - Makassar Version – KITTA' MATANGKASA bible

PAMMUJI 112

¹Pujimi Batara! Mate'nei tau mappilangngeria, mangngaia ri sikamma parentaNa Batara.

²Lakoasai ana'-ana'na ri anne pa'rasanganga, turungang tau baji' siagang lanibarakkaki.

³Lakalumanynyangi siagang lacoppongi kaluargana, siagang lasalewangangi satunggu-tungguna.

⁴Accayai singaraka lalang ri sassanga mae ri tau lambusuka, mae ri tau adeleka, mangngamaseanga siagang manynyayanga.

⁵Mate'nei tau lammoro' pa'maika siagang tau nangaia appapiinrang kammayatompa tau lambusuka lalang sikontu urusang.

⁶Tau bajika tena nalanipassalasa; tuli laniu'rangi satunggu-tungguna.

⁷Tena namalla' annarima kabara' kodi, jarreki pa'mai'na lanri tappaki ri Batara.

⁸Tena nalussa' yareka malla', lanri tappaki angkana lanibetai musunna.

⁹ Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

¹⁰Niciniki ri tau ja'dalaka siagang a'jari larroi; nakantisiki giginna ke'nanga lanri birisi'na. Nampa posso'mo ke'nanga; tappela'mi panrannuanna ke'nanga satunggu-tungguna.