Read Makassar Version – KITTA' MATANGKASA PAMMUJI 2 Bible Online

PAMMUJI 2 - Makassar Version – KITTA' MATANGKASA bible

PAMMUJI 2

¹ Angngapa nappare' ricu bansa-bansaya na'rancana suku bansaya apa tama'matu-matua?

²Assamai ambangung sikamma karaenna lino na situju sikamma pinggawaya mangngewa ri Batara karaeng nipileNa.

³Nakanamo anjo pinggawa-pinggawaya, “Umba nita'bangi koasana ke'nanga na nire'bu' kabebasanta!”

⁴A'mele'mi Batara ri empoang kala'biranNa ri suruga nacau-cau rancanana ke'nanga.

⁵Nampa Naga'gara' larro ke'nanga, Napata'bangka ri pangngalarroiNa.

⁶Nakana, “Ri Sion bulu' matangkasakKu le'ba' Kulanti' karaeng nipileKu.”

⁷ Nakana Karaeng, “Eroki laKupa'la'bang apa Napattantu Batara. Nakana ri nakke, ‘Ikau ana' bura'neKu, anne alloa iNakke a'jari Manggenu.

⁸Palaki, naKupassareang sikontu bansaya ri kau, sikontu buttaya Kupa'jari ikau pata.

⁹ Lanutepoki ke'nanga siagang takkang bassi na nupokara' sanrapang uring butta.’ ”

¹⁰Jari parhatikangi, ikau sikamma karaeng, paripa'maiki, ikau sikamma pinggawana lino!

¹¹Manynyombako ri Batara numannuruki,

¹²su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!