Read Makassar Version – KITTA' MATANGKASA PAMMUJI 26 Bible Online

PAMMUJI 26 - Makassar Version – KITTA' MATANGKASA bible

PAMMUJI 26

¹Pammujina Daud. Kisarea' kaadelang, o, Batara, saba' lambusu' pa'maika' lalang tallasakku. Manrannuanga' mae ri Batara, Tena kuranggasela manna sike'de'.

²Kiparessama', o, Batara, siagang Kiso'rima', paressami kaerokangku siagang nawa-nawangku.

³Tuli mangngu'rangia' ri pangngamaseanTa, siagang tuli tamamminraya' mae ri Katte.

⁴Taeroka' a'rappungang siagang tu patipua, yareka sileporang siagang tu munapeka.

⁵Kukabirisi passe'reanna tu a'gau' ja'dalaka, kuliliangi pa'rappunganna tu ja'dalaka.

⁶Kubissai limangku pammatei tena kusala, na ku'jappa angnginroi tampa' pakkoro'bangnganTa, o, Batara,

⁷nakukkelong lagu appala' sukkuru', na kukabarrang gau' malompoTa.

⁸Kungai BallatTa, o, Batara, tampa' pammantangang kalompoanTa.

⁹TeaKi' bunoia' siagang tu dorakaya, yareka teaKi' allei nyawaku assama siagang tu appasolonga cera'.

¹⁰ke'nanga tuli a'gau' ja'dala'na, tuli sadiana untu' annarima pappacoco'.

¹¹Mingka inakke lambusu' pa'maikka' lalang tallasakku, Kikamaseanga' siagang Kilappassang laloa'.

¹²Jari amanga' battu ri sikontu bahayaya, lamammujia' ri Batara lalang ri passe'reang umma'Na.