Read Makassar Version – KITTA' MATANGKASA PAMMUJI 4 Bible Online

PAMMUJI 4 - Makassar Version – KITTA' MATANGKASA bible

PAMMUJI 4

¹Untu' pamimping pakelonga. Nirurungangi ri kacapi. Pammujina Daud.

²O, Allata'ala, iKatte pambelaku; punna kumakkio' Kipialia'. Ri wattungku susa, Kitulunga'; anne kamma kamaseanga' naKipilangngeri pappala' doangku.

³E, ikau ngaseng taua, siapapi sallonu lampakatunai Allata'alaku? Sa'ge kerepi wattu lanutanring apa tenaya matu-matunna lanuondang apa tenaya natojeng?

⁴Assengi angkana, le'ba'mi Napile Batara untu' KalenNa sitau Nakamaseanga. Batara mappilangngeri Punna kumakkio' ri Ia.

⁵ Annekere' mako lanri malla' na tea' mako dorakai pole. Ma'merekko annawa-nawai, ri wattu anra'banu ri katinroang.

⁶Passareangi koro'bang mannabaya na tappa' mako ri Batara.

⁷Jai tau makkuta'nang, “Inai lambarakkakiki'?” Poro mangngellaiKi' ri anne kambe, o Batara.

⁸Kipa'jari la'bi rannu pa'maikku natau la'bi jaia kattoanna.

⁹Kunra'ba naung nasannang tinroku, saba' iKatte bawang, o Batara, ampakaamangi tallasakku!