Read Makassar Version – KITTA' MATANGKASA PAMMUJI 47 Bible Online

PAMMUJI 47 - Makassar Version – KITTA' MATANGKASA bible

PAMMUJI 47

¹Pammujina golongang Korah. Untu' pamimping pakelong.

²Attempa-tempa limako siagang rannu, he sikontu bansaya! Pujimi Allata'ala siagang pakkio' rannu!

³Saba' Batara Kaminang Tinggia teai sipato' heba'na, Karaeng Malompo angkoasaiyai sikontu linoa.

⁴Nasareki' pammetang lompo mae ri bansa-bansaya, Napa'jariki', makoasa mae ri suku-suku bansaya.

⁵Napileangki' tana pisaka untu' ikatte, kalompoang pa'mai' ri bansa Nakamaseanga.

⁶Nai'mi Allata'ala ri empoang kala'biranNa, nirurungang pakkio' rannu siagang sa'ra tarompe'.

⁷Akkelongko pammuji mae ri Allata'ala, akkelongko pammuji mae ri Karaenta!

⁸Allata'ala Karaeng ri sikontu linoa, pujimi siagang kelong mabaji'!

⁹Ammempoi Allata'ala irate ri empoang kala'birang matangkasa'Na; ammarentai mae ri bansa-bansaya.

¹⁰Sikamma pamimping-pamimping bansaya napasse'rei kalenna salaku umma'Na Allata'ala, napakalompoa Abraham. Saba' Allata'ala Karaenna sikontu karaenga, sanna' malompona siagang sanna' mala'biri'na.