Read Makassar Version – KITTA' MATANGKASA PAMMUJI 61 Bible Online

PAMMUJI 61 - Makassar Version – KITTA' MATANGKASA bible

PAMMUJI 61

¹Untu' pamimpin pakelong. Nirurungang ri kacapi. Battu ri Daud.

²Kipilangngeri pakkiokku, o, Allata'ala, parhatikangi pappala' doangku.

³Bella battu ri balla' kumakkio' mae ri Katte, lanri tappu' minasama'. IKatte langngantaraka' ri tampa' palariang amanga, tampa' sannaka tinggina untu' inakke;

⁴saba' iKattemi pa'la'langangku, tampa' attahang kassakku mae ri musungku.

⁵Boli'mi kamma kunnumpang ri kemaTa lalang sikontu umurukku, sollangku amang lalang ri la'lanna ka'nyitTa.

⁶Saba' Kilangngere'mi janjingku, o, Allata'ala, assareai barang pisaka tau mappilangngeria.

⁷Poro la'bu lalo umuru'na karaenga, sa'genna attallasa' a'bija-bija.

⁸Poro ammarentai satunggu-tungguna salaku karaeng nipileTa, o, Allata'ala, Kijagai siagang pangngamaseanTa na tamamminraTa.

⁹Nakutuli lamakkelong mammuji mae ri Katte, mange-mange allo kurupai janjingku.