Read Makassar Version – KITTA' MATANGKASA PAMMUJI 63 Bible Online

PAMMUJI 63 - Makassar Version – KITTA' MATANGKASA bible

PAMMUJI 63

¹ Pammujina Daud, ri wattunna nia' ri parang lompona Yehuda.

²O, Allata'ala, iKattemi Allata'alaku, nakkuka' ri Katte na kuboyaKi', Sanrapang butta kalotoro' nakku' ri je'ne', kammaminjo nakkukku mae ri Katte.

³Boli'mi kamma kuccini' mae ri Katte ri BallatTa, siagang kucini' kagassinganTa siagang kalompoanTa.

⁴Lompoangangi anggaranna pangngamaseanTa na tallasaka, lanri kammana minjo kummuji ri Katte.

⁵Lalang sikontu umurukku appala' sukkurukka' mae ri Katte; kuangkaki limangku kuppala' doang ri Katte.

⁶KupujiKi' siagang akkio' rannu ri Katte, saba' Kipassukkuki pakkasia'na nyawaku sangkamma kanre nyamang dudua.

⁷Ri wattu anra'baku ri tampa' katinroangku, kumangngu'rangi ri Katte; sila'busu' bangngia' annawa-nawaKi',

⁸saba' iKattemi le'ba' antulunga'; akkelong rannua' lalang la'lanna ka'nyitTa.

⁹Kuta'gala' majarrekKi', limanTa antumpaka'.

¹⁰Mingka sikamma tau eroka ambunoa' lanaungi ri linona tau matea.

¹¹Lamatei ke'nanga lalang pa'bundukang, siagang la'jari kanrenai olo'-olo' pakanre dagenga.

¹²Larannui karaenga lanri pannulunNa Allata'ala; tau assumpaya lanri Allata'ala la'rannu-rannu pa'maiki, mingka bawa paballe-ballea lanijempangi.