Read Makassar Version – KITTA' MATANGKASA PAMMUJI 7 Bible Online

PAMMUJI 7 - Makassar Version – KITTA' MATANGKASA bible

PAMMUJI 7

¹Piraunna Daud, nakelongang ri Batara lanri Kus, tu Benyamin.

²O, Batara Allata'alaku, iKatte kupa'la'langi; Kipasalamaka' siagang Kilappassanga' battu ri sikontu tau angngondanga'.

³Teaki' lappassangi ke'nanga sanrapang singa angkokkoka' siagang anre'resanga' na taena pannulungku.

⁴O, Batara Allata'alaku, ebara' kodi sipaka', a'gau' ja'dala' ri belaku, yareka kupakarugi natena saba'na, ebara' kammai panggaukangku,

⁶boli'ma' kamma niondang siagang nijakkala' ri musu, nampa nibunoa' kuniboli' ri buttaya.

⁷Ambangung maKi' lalang larroTa, o Batara, ewai jallo'na musu-musungku. AmbangungKi' untu' antulunga', saba' Kituntuki kaadelanga.

⁸Kipa'rappungi sikontu bansa-bansaya ri tammuliliTa, Kikoasai ke'nanga battu ri empoang kala'biranTa ri suruga.

⁹IKatte angngadeli umma' rupataua; Kisarea' kaadelang, o Batara, saba' tena kusala.

¹⁰ Kipammari kaja'dallanna tu dorakaya Kipakajarreki atinna tu bajika, saba' iKatte Allata'ala adele', antarrusukai atinna siagang pikkiranna rupataua.

¹¹Pa'la'langangku iamintu Allata'ala ampasalamakai tu lambusu' pa'maika.

¹²Allata'ala haking adele', siwattu-wattu anghukkungi tu ja'dalaka.

¹³Punna tamamminraya gau'na ke'nanga, sadiai siagang sanjata pammunoNa. Nakantisiki pa'danna, na Napabantang otere' panaNa nampa Nalappassang ana'-ana' panaNa a'rinraya.

¹⁵Ciniki, tau ja'dalaka a'rancana kaja'dallang; appareki rancana ja'dala' siagang nagaukangi annipua.

¹⁶ Angngekei kali'bong untu' tau maraeng, mingka kalenna tu'guru' antama'.

¹⁷Jari nihukkungi lanri kaja'dallang kalenna tonji, siagang nisessai lanri kapala batuna tonji.

¹⁸Appala' sukkurukka' ri Batara lanri adeleki, kukkelong pammuji ri Batara, Kaminang Tinggia.