Read Makassar Version – KITTA' MATANGKASA PANGNGEBARANG 18 Bible Online

PANGNGEBARANG 18 - Makassar Version – KITTA' MATANGKASA bible

PANGNGEBARANG 18

¹Tau ampakabellayai kalenna battu ri paranna tau kalennaji bawang naparhatikang; yangaseng panggappana taua nageakki.

²Tau toloa tanangaiyai nisare pammahang; poro bone atinna bawang ero' nasungkea tojeng.

³Dosaya siagang tunaya sipa'jappangi; punna nicallamo, mattantu nipakatuna tommi.

⁴Kana-kananna taua akkullei nakabattui kacara'dekang lantang sanrapang tamparang lompo, ci'nong sanrapang je'ne' assolong.

⁵Tabajikai angngalle mae ri tau dorakaya siagang anjallakkangi tau tenaya salanna.

⁶Punna a'bicara tau toloa, appaumbai pa'beserang siagang eroki niajara'.

⁷Bicaranna tau toloa napanraki kalenna; nisikkoki ri kana-kana kalenna.

⁸Anjo appitinaya bajiki kasia'na; nangai naa'lu' taua.

⁹Tau tenaya najampangi tugasa'na sangkammai kodina siagang tau nangaia ammanraki.

¹⁰Anjo Batara sanrapangi menara kassaka; Iami namangei tau lambusuka nanggappa tampa' amang.

¹¹Mingka tau kalumanynyanga nakana barang-baranna lanjagai kalenna sanrapang tembo' tinggi siagang kassa' ri tammulilina kotaya.

¹²Tau tampoa latu'guruki, tau tuna pa'maika lanipakalompoi.

¹³Appiali ri tenanapa nimallangngere' Iami panggaukang tolo siagang nicalla.

¹⁴Lanri ero' attallasa', akkullei natahang taua pa'risika; punna tappela'mo kaerokanga, tappela' tommi sikontu panrannuanga.

¹⁵Tau bajika akkala'na, tuli turerei ri pangngassengang; tau cara'deka, tuli eroki anggappa pangngajarang.

¹⁶Hadiaya anynyungkei oloang siagang angngantaraki mange ri tau malompoa.

¹⁷Tau uru a'bicaraya lalang ri pangadelang tuli tojengi cinikanna, mingka akkullemi niuji kana-kananna punna battumo balinna.

¹⁸Lanri nigoccanna nomoroka, akkullei nipakabaji' passisalanga, ba'lalo passisalanna tukoasaya akkulle tongi nipakabaji'.

¹⁹Sari'battang pa'risika pa'mai'na la'bi sukkaraki nireppesi kala kota kassaka; pa'beseranga sanrapangi panjoli pakke'bu' lompona kota pattahangnganga.

²⁰Sikamma kana-kana nipasuluka nia' ngaseng kasia'na.

²¹Makoasai lilaya untu' ampasalamaki yareka ampanraki tallasaka; musti natanggongi taua kale'bakkanna apa napaua.

²²Tau anggappaya anrong ana', anggappai passawallang; anrong anaka iami passareNa Batara.

²³Tu kasi-asia appalaki siagang kana-kana baji'; appiali tau kalumanynyanga siagang pangga'gara'.

²⁴Nia' sahaba' tamamminraya, nia' todong la'bi jarre' na sari'battanga.