Read Makassar Version – KITTA' MATANGKASA YESAYA 4 Bible Online

YESAYA 4 - Makassar Version – KITTA' MATANGKASA bible

YESAYA 4

¹Anjo wattua, tattuju tau baine lanna'gala' ri sitau bura'ne nampa massing nakana, “Lappassamma' angngakuiko bura'nengku, sollanna tena kunggappa siri', lanri tenana tau bura'ne annikkaia'. Inakke tompa kalengku angngusaha a'boya kanre siagang pakeang.”

²Nia' sallang wattunna naNapa'jari Batara sikamma lamung-lamunga siagang poko'-pokoka a'jari lompo siagang ga'ga ri anne pa'rasanganga. Anjo wattua tu Israel salamaka larannui pa'mai'na siagang lalompoi pa'mai'na lanri baji'na wassele' kattoanna.

³Sikamma tau ammantanga ri Yerusalem, iamintu tau nipilea ri Allata'ala untu' nipasalama', lanikanai tau matangkasa'.

⁴Lanri koasaNa Batara laNaadeli siagang laNatangkasi umma'Na. LaNatangkasi Yerusalem battu ri cera'na sikamma tau nibunoa ri anjo kotaya.

⁵ Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

⁶LaNala'langi battu ri bambanna alloa punna allo, kammayatompa a'jari tampa' pa'la'langngang battu ri bosia siagang anging lompoa.