Read Makassar Version – KITTA' MATANGKASA KAIMANGNGANG 15 Bible Online

KAIMANGNGANG 15 - Makassar Version – KITTA' MATANGKASA bible

KAIMANGNGANG 15

¹Napassareangi Batara mae ri Musa siagang Harun anne paratorang-paratoranga

²untu' bansa Israel. Punna nia' tu bura'ne assolongi je'neka battu ri katauanna lanri garring bainei, anjo je'ne' assolonga ra'masaki,

³baji' anjo assulukamo kammayatompa tattahanga lalang.

⁴Tampa' le'baka napammemmpoi siagang nakatinroi anjo taua a'jari ra'masaki.

⁵Inai-nai anseroi anjo taua yareka katinroanna yareka bate pammempoanna, yareka nipi'rui ri anjo taua, musti nasassai pakeanna siagang a'je'neki anjo taua; sa'genna labu alloa ra'masaki anjo taua.

⁹Pa'lapa' jaranna yareka apa-apa mamo le'baka napammempoi anjo taua a'jari ra'masaki.

¹⁰Inai-nai anseroi bate pammempoanna anjo taua, a'jari ra'masaki sa'genna labu alloa. Inai-nai angngangkaki anjo bate pammempoanna musti nasassai pakeanna siagang a'je'neki, siagang a'jari ra'masaki sa'genna labu alloa.

¹¹Punna nia' tu bura'ne napassuluki je'ne' katauanna lanri garring bainei, na nasero tau maraenga ri tenanapa nabissai limanna, anjo tau naseroa musti nasassai pakeanna siagang a'je'neki, kammayatompa ra'masaki sa'genna labu alloa.

¹²Punna nia' uring butta nasero anjo taua musti nireppeki siagang punna nia' pakkakasa' nata'gala', musti nibissai.

¹³Punna a'jari baji'mo anjo taua, musti attayangi pole tuju allo. Le'baki anjo musti nasassai pakeanna siagang a'je'neki ri timbuseng je'neka, na'jari tangkasa'.

¹⁴Ri makasagantujuna alloa, musti angngerangi ruang kayu jangang-jangang bodobangkeng yareka bukkuru' rungka mange ri dallekang pakke'bu' KemaNa Batara, nampa napassareang mae ri imanga.

¹⁵Imanga musti napassareangi sikayu anjo jangang-janganga untu' koro'bang pammopporang dosa, siagang anjo sikayua untu' koro'bang nitunu. Kammaminjo na nagaukammo imanga upacara pannangkasia mae ri anjo taua ri dallekanNa Batara.

¹⁶Punna nia' sitau bura'ne assulu' je'ne' keboka battu ri katauanna, musti a'je'neki, mingka tuli ra'masa'na sa'genna labu alloa.

¹⁷Sikamma barang-barang battu ri kaeng yareka kukkulu' natabaya anjo je'ne' katauanna musti nisassai; anjo baranga ra'masaki sa'genna labu alloa.

¹⁸Punna le'baki assikatinroang, baji' bura'ne kammayatompa bainea, musti a'je'neki, mingka tuli ra'masa'na sa'genna labu alloa.

¹⁹Punna battu bulanna se'rea baine, ra'masaki sa'genna tuju alloa. Inai-nai anseroi anjo bainea a'jari ra'masaki sa'genna labu alloa.

²⁰Sikamma bate pammempoanna siagang apa-apa nakatinroia anjo bainea lalang battuna bulanna, a'jari ra'masaki.

²¹Inai-nai anseroi bate pammempoanna yareka bate katinroanna baine battua bulanna, musti nasassai pakeanna siagang a'je'neki, kammayatompa ra'masaki sa'genna labu alloa.

²⁴Punna nia' bura'ne assikatinroang siagang baine battua bulanna, anjo bura'nea a'jari ra'masa' tommi lalang tuju allo; sikamma le'ba' nakatinroia a'jari ra'masa' ngaseng tommi.

²⁵Punna nia' baine nalari cera' lalang pirangallo are pantaranganna ri wattunna battu bulanna, yareka tammariai assulu' cera'na ri le'ba'namo battu bulanna, a'jari ra'masa'mi lalang nalarina cera' sangkamma ri wattunna battu bulanna.

²⁶Bate katinroanna yareka bate pammempoanna lalang nalarina cera' a'jari ra'masaki.

²⁷Inai-nai anseroi anjo tampaka a'jari ra'masaki. Musti nasassai pakeanna siagang a'je'neki, kammayatompa ra'masaki sa'genna labu alloa.

²⁸Punna ammarimo nalari cera', musti attayangi anjo bainea lalang tuju allo pole. Le'bappi anjo nampa tangkasa'.

²⁹Ri makasagantujuna alloa musti angngerangi ruang kayu jangang-jangang bodobangkeng rungka yareka bukkuru' rungka mange ri imanga ri dallekang pakke'bu' KemaNa Batara.

³⁰Anjo jangang-jangang sikayua musti napassareangi untu' koro'bang pammopporang dosa, nampa anjo sikayua pole untu' koro'bang nitunu. Kammaminjo carana imanga anggaukangi upacara pannangkasia mae ri anjo bainea ri dallekanNa Batara.

³¹Nasuroi Batara anjo Musa ampakaingaki bansa Israel sollanna naparhatikang ke'nanga angkana ringngapanna nara'masa' ke'nanga siagang ringngapanna natena nara'masa', sollanna tena nara'massi ke'nanga KemaNa Batara, ia niaka ri tangnga-tanganga kemana ke'nanga. Punna nara'massi ke'nanga anjo Kemaya, tena tamatena ke'nanga.

³²Kammaminjo paratorang-paratoranga ri passala'na bura'ne napassulukia je'ne' katauanna lanri garring baine, yareka assuluka je'ne' kebo' katauanna,

³³ri passala'na baine battua bulanna, siagang ri passala'na bura'ne assikatinroanga siagang baine battua bulanna.