Read Makassar Version – KITTA' MATANGKASA YEREMIA 45 Bible Online

YEREMIA 45 - Makassar Version – KITTA' MATANGKASA bible

YEREMIA 45

¹ Ri taung makaappa' pamarentahanna Yoyakim ana'na Yosia, ri Yehuda, natulisiki Barukh sikamma apa kupaua mae ri ia. Nampa kupabattu mae ri ia

²kananNa Batara, iamintu Allata'alana Israel. Nakana Batara, “Barukh,

³akkunrarengko kamma anne, ‘Ah, teai sipato' cilakaku anne! Jai sikali kasukkarrangku, nampa Natambai pole Batara siagang kasessang. Mangngamma' akkunrareng, tena sikali kasannangngang!’

⁴He Barukh! INakke, Batara, anruntung siagang ambangungi apa le'baka Kubangung, siagang ambi'buki apa le'baka Kulamung. Sikontu linoa Kupakamma ngasengi anjo.

⁵Angngapa nuero' nipa'la'biangngang? Teako appakammai, Barukh! Sikontu umma' rupataua Kuhukkungi siagang bala, mingka ri sesena ikau, kaminang sike'de'na ikau lasalamakko. Manna kemae lampanu, latuli attallasakko. INakke, Batara, anne akkana.”