Read Makassar Version – KITTA' MATANGKASA YEHEZKIEL 2 Bible Online

YEHEZKIEL 2 - Makassar Version – KITTA' MATANGKASA bible

YEHEZKIEL 2

¹“He tau, ammentengko. ErokKa' a'bicara siagang ikau.”

²Ri wattunna kulangngere' anjo sa'raya, antama'mi RohNa Allata'ala ri kalengku, nampa Napabangunga' nai'. Nampa kulangngere' pole anjo sa'raya angkana,

³“He tau, ikau Kusuroko mange ri tu Israel angngewaya ri Nakke. Anjo ke'nanga angngewai sangkamma boe-boena ke'nanga.

⁴Kapala batui ke'nanga siagang tena napakalompoA'. Kusuroko mange ri ke'nanga untu' ampabattui kanangKu, iamintu iNakke Batara Kaminang Tinggia, mae ri ke'nanga,

⁵apaka napilangngeri ke'nanga yareka tena; ia parallua, iamintu musti naassengi ke'nanga angkanaya nia' na'bi ri tangnga-tangngana ke'nanga.

⁶Mingka ikau, he tau, teako mallakki mae ri anjo tau paewaya, yareka mae ri manna apa pole nakana ke'nanga. Lanaewako siagang lanahinako ke'nanga, sa'gennu rapangko tau attallasaka ri tangnga-tangngana olo'-olo' niaka racunna punna angngokko'. Mingka manna nakamma teako mallakki.

⁷Pabattui sikontu pasangKu mae ri ke'nanga, apaka eroki yareka teai ke'nanga ampilangngeri. U'rangi angkanaya anjo ke'nanga tau paewa-ewa.

⁸He tau, pilangngeri apa Kupaua mae ri kau. Teako amminawangngi tongi angngewa. Sungkei bawanu siagang kanrei apa Kupassareanga mae ri kau.”

⁹ Nampa nia' kucini' lima ta'jonjo mae ri nakke. Lalang ri anjo limaya nia' kitta' nigulung,

¹⁰niaka tulisang ri rua-rua sa'rinna. Nampa nasungke anjo gulunganga siagang nia' tattulisi' anjoreng piraung, karru' siagang kunrareng.