Read Makassar Version – KITTA' MATANGKASA PAMMILANGNGANG 26 Bible Online

PAMMILANGNGANG 26 - Makassar Version – KITTA' MATANGKASA bible

PAMMILANGNGANG 26

¹ Ammarinamo anjo balaya, Nakanamo Batara mae ri Musa siagang Eleazar, ana'na Imang Harun,

²“Musti nubilangi sikontu umma' Israel situru' massing kaluargana. Sikontu tu bura'ne umuru' ruampulo taunga sa'genna rateanganna, akkullea a'jari tantara, musti nicata' ngasengi arenna.”

³Nagaukammi Musa siagang Eleazar anjo parentaya. Nakio'mi ke'nanga sikontu bura'ne umuru' ruampulo taunga na rateanganna nampa asse're ke'nanga ri lappara' Moab, ba'leanna Binanga Yordan, ri ampi'na kota Yerikho. Iaminne tu Israel assuluka battu ri butta Mesir:

⁴

⁵Battu ri suku Ruben, ana' bungasa'na Yakub, iamintu: golongang bijanna Henokh, Palu,

⁶Hezron siagang Karmi.

⁷Sikamma tu bura'ne niaka lalang ri anjo golonganga iamintu 43.730 tau jaina.

⁸Ana'na Palu iamintu Eliab,

⁹nampa ana'-ana'na Eliab iamintu Nemuel, Datan, siagang Abiram. Datan siagang Abiram iami nipile ri ummaka, mingka amminawangi ke'nanga mae ri tumminawanna Korah untu' angngewai Musa siagang Harun siagang angngewai ri Batara.

¹⁰Nampa tassungke buttaya na naa'lu' ke'nanga sa'genna mate siagang Korah kammayatompa sikontu tumminawanna ri wattunna niancuru' 250 tu bura'ne ri pepe'. Anjo kajarianga a'jari pappakaingaki mae ri bansa Israel.

¹¹Mingka ana'-ana'na Korah tena namminawang nibuno.

¹²Battu ri suku Simeon: Golonganna Nemuel, Yamin, Yakhin,

¹³Zerah siagang Saul.

¹⁴Sikontu tu bura'nea lalang ri yangasenna anjo golonganga nia' 22.200 jaina tau.

¹⁵Battu ri suku Gad: Golonganna Zefon, Hagi, Syuni,

¹⁶Ozni, Eri,

¹⁷Arod siagang Areli.

¹⁸Sikontu tu bura'nea lalang ri yangasenna anjo golonganga nia' 40.500 jaina tau.

¹⁹Battu ri suku Yehuda: Golonganna Syela, Peres, Zerah, Hezron siagang Hamul. Rua ana'na Yehuda iamintu Er siagang Onan, matemi ri butta Kanaan.

²⁰

²¹

²²Sikontu tu bura'nea lalang ri yangasenna anjo golonganga nia' 76.500 jaina tau.

²³Battu ri suku Isakhar: Golonganna Tola, Pua,

²⁴Yasub siagang Simron.

²⁵Sikontu tu bura'nea lalang ri yangasenna anjo golonganga nia' 64.300 jaina tau.

²⁶Battu ri suku Zebulon: Golonganna Sered, Elon siagang Yahleel.

²⁷Sikontu tu bura'nea lalang ri sikammaya anjo golonganga nia' 60.500 jaina tau.

²⁸Battu ri jari-jarina Yusuf, niaka rua ana'na bura'ne: suku Manasye siagang suku Efraim.

²⁹Battu ri suku Manasye: Makhir, ana'na Manasye, iami manggena Gilead; siagang sikamma golongang anne jari-jarina Gilead:

³⁰Golongang Iezer, Helek,

³¹Asriel, Sekhem,

³²Semida siagang Hefer.

³³Zelafehad ana'na Hefer tena ana'na bura'ne mingka sangnging baineji. Areng-arenna ke'nanga iamintu Mahla, Noa, Hogla, Milka siagang Tirza.

³⁴Sikontu tu bura'ne niaka lalang yangasenna anjo golonganga nia' 52.700 tau jaina.

³⁵Battu ri suku Efraim: Golongang Sutelah, Bekher, siagang Tahan.

³⁶Anjo golongang Eran iami jari-jarina Sutelah.

³⁷Sikontu tu bura'ne niaka lalang ri yangasenna anjo golonganga nia' 32.500 tau jaina. Iaminjo sikamma golonganna jari-jarina Yusuf.

³⁸Battu ri suku Benyamin: Golongang Bela, Asybel, Ahiram,

³⁹Sefufam siagang Hufam.

⁴⁰Golonganna Ared siagang Naaman iami jari-jarina Bela.

⁴¹Sikontu tu bura'ne niaka lalang ri yangasenna anjo golonganga nia' 45.600 tau jaina.

⁴²Battu ri suku Dan: Golongang Suham.

⁴³Sikontu tu bura'ne niaka lalang ri anjo golonganga nia' 64.400 tau jaina.

⁴⁴Battu ri suku Asyer: Golongang Yimna, Yiswi siagang Beria.

⁴⁵Golongang Heber siagang Malkiel iami jari-jarina Beria.

⁴⁶Asyer nia' ana'na sitau baine niareng Serah.

⁴⁷Sikontu tu bura'ne niaka lalang ri anjo golonganga nia' 53.400 tau jaina.

⁴⁸Battu ri suku Naftali: Golongang Yahzeel, Guni,

⁴⁹Yezer siagang Syilem.

⁵⁰Sikontu tu bura'ne niaka lalang ri sikamma anjo golonganga nia' 45.400 tau jaina.

⁵¹Sikontu tu bura'ne niaka ri Israel iamintu 601.730 tau jaina.

⁵² Nakana Batara mae ri Musa,

⁵³“Bagei anjo buttaya mae ri suku-suku bansa Israel situru' kalompoanna massing sukua.

⁵⁴Carana nugaukang ambagei iamintu nugoccangi sangkamma loterei. Suku lompoa musti nusarei jaiangngang bageanna, suku ca'dia ca'di todong bageanna.”

⁵⁵

⁵⁶

⁵⁷Suku Lewi ta'bagei lalang golongang Gerson, Kehat siagang Merari.

⁵⁸Jari-jarina ke'nanga iamintu golongang Libni, Hebron, Mahli, Musi siagang Korah. Kehat iami manggena Amram.

⁵⁹Amram a'buntingi siagang Yokhebed, ana'na Lewi. Yokhebed anjorengi ri Mesir lassu'. Amram siagang Yokhebed nia' rua ana'na bura'ne, iamintu: Harun siagang Musa, kammayatompa sitau baine, iamintu Miryam.

⁶⁰ Harun nia' appa' ana'na bura'ne, iamintu: Nadab, Abihu, Eleazar siagang Itamar.

⁶¹ Nadab siagang Abihu matei ri wattunna assare pepe' tenaya Nakaeroki Allata'ala.

⁶²Tu bura'nea battu ri suku Lewi umuru' sibulanga siagang irateanganna nia' 23.000 tau jaina. Nisa'laki ke'nanga nidattara' battu ri julu bansana, lanri tena nanggappa ke'nanga butta pisaka ri Israel.

⁶³Iaminjo dattara' napareka Musa siagang Imang Eleazar ri passala'na sikamma golongang niaka lalang ri Israel ri wattunna nibilang ke'nanga ri Lappara' Moab ba'leanna Binanga Yordan ri ampi'na kota Yerikho.

⁶⁴Battu ri sikamma tau nidattaraka ri Musa siagang Harun ri parang lompona Sinai, tenamo manna sitau attallasa'.

⁶⁵ Le'ba'mi Nakanang Batara angkanaya lamate ngasengi ke'nanga ri parang lompoa. Na memang mate ngasengi ke'nanga, pantaranganna Kaleb ana'na Yefune siagang Yosua ana'na Nun.