Read Makassar Version – KITTA' MATANGKASA ZAKHARIA 4 Bible Online

ZAKHARIA 4 - Makassar Version – KITTA' MATANGKASA bible

ZAKHARIA 4

¹Battui pole anjo malaeka' le'baka a'bicara mae ri nakke nampa naronronga' sangkamma tau anroronga tau tinro.

²Akkuta'nangi angkana, “Apa nucini'?” Appialima' angkana, “Se're bangkeng lampu bulaeng. Ri coppo' ratena nia' pammolikang minynya', siagang ri tammulilina nia' tuju lampu, massing niaka tuju tampa' sumbuna.

³ Ri sa'ri kairinna siagang kananna anjo lampua nia' rua poko' zaitun.”

⁴Nampa akkuta'namma' mae ri anjo malaekaka angkana, “Pangngebarang apa anjo barang-barang kammaya, Karaeng?”

⁵Akkuta'nammi ri nakke angkana, “Tenaka nuassengi?” Appialima' angkana, “Tena Karaeng”.

¹⁰ Nakanamo anjo malaekaka ri nakke, “Anjo tujua lampu iamintu pangngebarang tujua matanNa Batara anjannangngi sikontu tompo'na buttaya.”

¹¹ Nampa akkuta'nanga' pole ri ia angkana, “Apa battuanna anjo ruaya poko' zaitun niaka ri sa'ri kananna siagang kairinna anjo bangkeng lampua?

¹²Siagang apa todong battuanna anjo ruaya tangke zaitun niaka ri sa'rinna anjo ruaya pipa bulaeng napa'lo'loria anjo minynya' zaitunga?”

¹³Appialimi ri nakke angkana, “Tenaka nanuassengi?” Appialima' angkana, “Tena Karaeng”.

¹⁴Nakanamo, “Iaminjo battuanna ruaya tau le'baka Napilei Batarana sikontu linoa siagang nijo'joka untu' a'jari palayanNa.” JanjinNa Batara mae ri Zerubabel Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu. Manna pole pa'rompa kammaya moncong lompona la'lili ngaseng battu ri dallekannu. Ikau lambangungi ammotere' BallakKu, siagang ri wattu nupadongko'na batu pundasi bungasaka ri tampa'na, lakkioki taua angkana, ‘Tamaka ga'gana!’ ” Nampa battu pole pasang maraenNa Batara. Nakana, “Zerubabel le'ba'mi napadongko' batu pundasina BallakKu, siagang ia lampa'le'baki sikontu anjo bangunanga. Punna kajariammo anjo kammaya, lanaassemmi ummakKu angkanaya iNakke assuroi Zakharia battu mae ri ke'nanga. Nia' tau ampakatunai anne apa kajarianga. Mingka lanaciniki ke'nanga Zerubabel ampatulusuki pambangunanna BallakKu, siagang lara(...)