Read Makassar Version – KITTA' MATANGKASA YOSUA 19 Bible Online

YOSUA 19 - Makassar Version – KITTA' MATANGKASA bible

YOSUA 19

¹Pambageang makaruaya iamintu butta pambageanna kaluarga-kaluarga niaka lalang ri suku Simeon. Pa'baeng-baenna buttana ke'nanga antamaki sa'genna pa'baeng-baenna buttana suku Yehuda.

² Nisarei ke'nanga sampulo antallu kota siagang sikamma desa-desa niaka ri tammulilina, iamintu: Bersyeba, Syeba, Molada, Hazar-Sual, Bala, Ezem, Eltolad, Betul, Horma, Ziklag, Bet-Hamarkabot, Hazar-Susa, Bet-Lebaot, siagang Saruhem.

⁴

⁵

⁶

⁷Kammayatompa appa' kota siagang sikamma desa-desa niaka ri tammulilina, iamintu: Ain, Rimon, Eter, siagang Asan.

⁸Antama tongi sikontu desa niaka ri tammulilina anjo kota-kotaya sa'genna mange ri Baalat-Beer (iamintu Rama) ri butta bageang timboroka. Iaminjo butta nipassareanga mae ri kaluarga-kaluarga battua ri suku Simeon untu' a'jari pisakana ke'nanga.

⁹Lanri sanna'na luara'na anjo butta pambageanna suku Yehuda, jari nipassareammi sipa'gang anjo buttaya mae ri suku Simeon.

¹⁰Pambageang makatallua iamintu butta pambageanna kaluarga-kaluarga niaka lalang ri suku Zebulon. Pa'baeng-baenna butta nipassareanga mae ri ke'nanga iamintu sa'genna mange ri Sarid.

¹¹Battu ri Sarid, anjo garisi' pa'baeng-baeng bageang ilauka a'lampa mangei ri Marala, nampa nasero Dabeset siagang pangka binangaya irayanganna Yokneam.

¹²Garisi' pa'baeng-baeng bageang rayaya appakkaramulai battu ri Sarid mange ri pa'baeng-baeng Khislot-Tabor, tulusu' mange ri Dobrat, nampa nai' ri Yafia.

¹³Battu anjoreng, anjo garisi' pa'baeng-baenga tulusuki anrai' ri Gat-Hefer siagang Et-Kazin, nampa a'lekko mange ri Nea tulusu' mange ri Rimon.

¹⁴Ri bageang wara', anjo pa'baeng-baeng buttaya a'lekkoi mange ri Hanaton nampa kala'busang ri Ka'bung Yiftah-El.

¹⁵Lalang ri daerana anjo suku Zebulon antama tongi: Katat, Nahalal, Simron, Yidala siagang Betlehem. Anjo daerana ke'nanga antama tongi sampuloa anrua kota siagang sikamma desa-desa niaka ri tammulilina.

¹⁶Anjo kota-kotaya siagang desa-desaya niaki lalang ri daera nipassareanga mange ri kaluarga-kaluarga niaka lalang ri suku Zebulon untu' a'jari butta pisakana ke'nanga.

¹⁷Pambageang makaappaka iamintu butta pambageanna kaluarga-kaluarga niaka lalang ri suku Isakhar.

¹⁸Antamaya ri daerana ke'nanga iamintu: Yizreel, Khesulot, Sunem,

¹⁹Hafaraim, Sion, Anaharat,

²⁰Rabit, Kisyon, Ebes,

²¹Remet, En-Ganim, En-Hada, siagang Bet-Pazes.

²²Pa'baeng-baeng buttana ke'nanga naseroi Tabor, Sahazima, Bet-Semes, nampa kala'busang ri Binanga Yordan. Antamaya daerana ke'nanga iamintu sampulo angngannang kota siagang sikamma desa-desa niaka ri tammulilina.

²³Anjo kota-kotana siagang desa-desana niaki lalang ri daera nipassareanga mae ri kaluarga-kaluarga niaka lalang ri suku Isakhar untu' a'jari butta pisakana ke'nanga.

²⁴Pambageang makalimaya iamintu butta pambageanna kaluarga-kaluarga niaka lalang ri suku Asyer.

²⁵Daerana ke'nanga iamintu: Helkat, Hali, Beten, Akhsaf,

²⁶Alamelekh, Amad, siagang Misal. Pa'baeng-baeng buttana ke'nanga ri bageang ilau' naseroi Moncong Karmel siagang Binanga Libnat.

²⁷Battu anjoreng a'lekkoi anjo pa'baeng-baenna ke'nanga a'lampa anrai' mange ri Bet-Dagon nampa nasero pa'baeng-baenna suku Zebulon siagang Ka'bung Yiftah-El a'lampa wara' mange ri Bet-Emek siagang Nehiel. Nampa tulusu' anjo garisi' pa'baeng-baenga a'lampa wara' mange ri Kabul,

²⁸Ebron, Rehob, Hamon, siagang Kana, sa'genna mange ri Sidon bellana.

²⁹Battu anjoreng, a'lekkoi anjo garisi' pa'baeng-baenga mange ri Rama tulusu' sa'genna mange ri kota Tirus, iamintu se're kota nikallika siagang tembo'; nampa a'lekko pole anjo garisi' pa'baeng-baenga mange ri Hosa nampa kala'busang ri Tamparang Tangngaya. Antamaya ri anjo pa'baeng-baenga iamintu Mahalab, Akhzib,

³⁰Uma, Afek, siagang Rehob. Kabusu'na anjo daeraya nia' ruampulo kota siagang sikamma desa-desa niaka ri tammulilina.

³¹Anjo kota-kotaya siagang desa-desaya niaki lalang ri daera nipassareanga mae kaluarga-kaluarga niaka lalang ri suku Asyer untu' a'jari butta pisakana ke'nanga.

³²Pambageang makaannanga iamintu butta pambageanna kaluarga-kaluarga niaka lalang ri suku Naftali.

³³Pa'baeng-baenna buttana ke'nanga appakkaramulai battu ri Helef, sa'genna mange ri poko' eke' ri Zaananim, tulusu' mange ri Adami-Nekeb, nampa mange ri Yabneel, sa'genna mange ri Lakum, nampa kala'busang ri Binanga Yordan.

³⁴Battu anjoreng, a'lekko kalauki anjo garisi' pa'baeng-baenna buttaya mange ri Aznot-Tabor, nampa battu anjoreng na mange ri Hukok. Ri bageang timboro', anne daeraya a'baeng-baengi siagang daerana suku Zebulon, bageang ilau' a'baeng-baengi siagang suku Asyer, na ri bageang iraya pa'baeng-baenna iamintu Binanga Yordan.

³⁵Kota-kota nikalli' temboka iamintu: Zidim, Zer, Hamat, Rakat, Kineret,

³⁶Adama, Rama, Hazor,

³⁷Kedes, Edrei, En-Hazor,

³⁸Yiron, Migdal-El, Horem, Bet-Anat, siagang Bet-Semes. Lalang ri sikontu daerana ke'nanga nia' sampulo assalapang kota siagang sikamma desa-desa niaka ri tammulilina.

³⁹Anjo kota-kotaya siagang desa-desaya niaki lalang ri daera nipassareanga mae ri kaluarga-kaluarga niaka lalang ri suku Naftali untu' a'jari butta pisakana ke'nanga.

⁴⁰Pambageang makatujua iamintu butta pambageanna kaluarga-kaluarga niaka lalang ri suku Dan.

⁴¹Antamaya ri daerana ke'nanga iamintu Zora, Esytaol, Ir-Semes,

⁴²Saalabin, Ayalon, Yitla,

⁴³Elon, Timna, Ekron,

⁴⁴Elteke, Gibeton, Baalat,

⁴⁵Yehud, Beneberak, Gat-Rimon,

⁴⁶Me-Yarkon, Rakon, kammayatompa daera niaka ri tammulilina Yope.

⁴⁷ Tappela'mi sipa'gang daerana suku Dan, jari a'lampai ke'nanga mange ri Lesem na nabunduki ke'nanga anjo kotaya. Naallemi ke'nanga anjo kotaya, siagang nabunoi pandudu'na nampa napammantangngi anjo kotaya. Jari ammantammi ke'nanga anjoreng nampa napinra arenna anjo kota Lesem a'jari kota Dan, situru' arenna boe-boena ke'nanga.

⁴⁸Anjo kota-kotaya siagang desa-desaya niaki lalang ri daera nipassareanga mae ri kaluarga-kaluarga niaka lalang ri suku Dan untu' a'jari pisakana ke'nanga.

⁴⁹Le'baki nabage-bage umma' Israel butta niaka ri anjo pa'rasanganga, nasare tommi ke'nanga Yosua ana'na Nun sipa'gang butta untu' a'jari pisakana.

⁵⁰Kamma le'baka Naparentakang Batara, napassareangi ke'nanga mae ri ia kota napalaka, iamintu: Timnat-Serah ri pa'monconganna Efraim. Nabangummi Yosua ammotere' anjo kotaya, nampa ammantang anjoreng.

⁵¹Kammaminjo batena Imang Eleazar, Yosua ana'na Nun siagang sikamma kapala kaluarga niaka lalang ri suku-suku bansa Israel ambage-bagei buttaya ri anjo pa'rasanganga. Ammuangi loterei ke'nanga untu' appala' pangngunju' battu ri Batara. Anjorengi ri Silo nagaukang ke'nanga anjo kammaya, ri dallekang pakke'bu' KemaNa Batara. Jari le'ba'mi anjo pambageang buttaya.