Read Makhuwa-Shirima Epacerero 36 Bible Online

Epacerero 36 - Makhuwa-Shirima bible

Epacerero 36

¹Ola ti mwaha wa ekhapira ya Esawu, eyo tiiyo Edomi.

²Esawu aahaathela asithiyana a oKanaani: Ada, mwaana a Eloni, muHiti, Oholibama, mwaana a Ana, osuulu wa Zibeyoni, muHivi,

³nitho Basemati, mwaana a Iximayeli ni murokoriye Nebayoti.

⁴Ada aamuyarela Esawu mwaana mulopwana iitthaniwa Elifazi, ni Basemati aamuyarela Rewuyeli.

⁵Oholibama aamuyarela Yewuxi, Yalami ni Kora. Awo yaari anamwane a Esawu, yaayariwe mweelaponi ya oKanaani.

⁶Esawu aahaakuxa axaariye, anamwanaawe asilopwana ni asithiyana, ootheene a vaatevawe, hiihotho mihuwosawe, asinama akina ootheene ni sooreelasawe sootheene aaphwannyaawe oKanaani, anarowa elapo ekina ottai wa munneiye Yakobe.

⁷Sooreelasaya saari sincipale woohikwana okhala vamoha, niwoko elapo yaamankaaya khayaawera ociha mihuwo sa ooweeli.

⁸Tivawo Esawu, eyo tiiyo Edomi, aarongwaawe omaka onyaakoni sa oSeyiri.

⁹Ola ti mwaha wa ekhapira ya Esawu, ori nikholo na awEdomi, mweelaponi ya nyaako sa oSeyiri.

¹⁰Anamwanaawe ti ala: Elifazi, mwaana a Ada, mwaariye Esawu, ni Rewuyeli, mwaana a Basemati, mwaariye Esawu.

¹¹Anamwane a Elifazi yaari ala: Temani, Omari, Zepo, Gatami, ni Kenazi.

¹²Elifazi, mwaana a Esawu, aakhalano ekuxo yoopottha yiitthaniwa Timena, ni owo aamuyarela mwaana mulopwana aamuttenghaawe Amaleki. Yaari ti yaala axisulwaawe Ada, mmoha a axaariye Esawu.

¹³Anamwane a Rewuyeli yaari ala: Nahati, Zera, Xama, ni Miza. Yaari ti yaala axisulwaawe Basemati, mukina a axaariye Esawu.

¹⁴Mwaariye mukina Esawu, Oholibama, mwaana a Ana ni musulwaawe Zibeyoni, aamuyarelatho anamwane ala: Yewuxi, Yalami ni Kora.

¹⁵Ala yaari mapwattapwattha a ekhapira ya Esawu: Anamwane a Elifazi, ntthaara na Esawu: Temani, Omari, Zepo, Kenazi,

¹⁶Kora, Gatami ni Amaleki. Yaari ti yaala mapwattapwattha a epuumba ya Elifazi, mweelaponi ya wEdomi yaari osuulu wa Ada.

¹⁷Vano, wa anamwane a Rewuyeli, mwaana a Esawu, mapwattapwattha yaari ala: Nahati, Zera, Xama, ni Miza. Yaari ti yaala mapwattapwattha a ekhapira ya Rewuyeli, mweelaponi ya wEdomi yaari osuulu wa Basemati, mwaariye Esawu.

¹⁸Vanonto, wa anamwane a Oholibama, mwaana a Ana, mwaariye Esawu, mapwattapwattha yaari Yewuxi, Yalami ni Kora. Yaari ti yaala mapwattapwattha a ekhapira ya Oholibama, mwaariye Esawu, mwaana a Ana.

¹⁹Yaari ti yaala anamwane a Esawu, eyo tiiyo Edomi, ni yaala yaari mapwattapwatthaawe.

²⁰Anamwane a Seyiri, muGori aamanke mweelaponi ele, yaari ala: Lotani, Sobali, Sibeyoni, Ana,

²¹Dixoni, Ezeri, ni Dixani. Anamwane ala a Seyiri yaari mapwattapwattha a aGori mweelaponi ya wEdomi.

²²Anamwane a Lotani yaari Hori ni Hemani. Vano murokoriye Lotani aari Timena.

²³Anamwane a Sobali yaari Alvani, Manahati, Ebali, Xefo ni Onami.

²⁴Anamwane a Zibeyoni yaari Aya ni Ana. Aari Aaneene yoowo aawoonelenle anaattuuttu a maahi ooviha munikareni aaroihaawe waaciha abuuru a atithawe Zibeyoni.

²⁵Anamwane a Ana yaari Dixoni ni Oholibama, mwaana muthiyana a Ana.

²⁶Anamwane a Dixoni yaari Hemda, Exbani, Yitrani ni Kerani.

²⁷Anamwane a Ezeri yaari Biliyani, Zahavani ni Akani.

²⁸Anamwane a Dixani yaari Uzi ni Arani.

²⁹Mapwattapwattha a aGori yaari ti ala: Lotani, Sobali, Zibeyoni, Ana,

³⁰Dixoni, Ezeri ni Dixani. Awo yaari mapwattapwattha a aGori, khula pwattapwattha ni nihimonawe mweelaponi ya oSeyiri.

³¹Ala yaari mamwene yaalamula mweelaponi ya wEdomi, ahinaaye okhala mwene variyari wa aYixrayeli:

³²Bela, mwaana a Bewori aalamula wEdomi ni esidadaawe yiitthaniwa Dinihaba.

³³Akhwaakaru Bela, aarandeliwe ni Yobabi, mwaana a Zera a oBozera.

³⁴Akhwaakaru Yobabi, aamurandenle ti Huxami a elapo ya aTemani.

³⁵Akhwaakaru Huxami, aamurandenle ti Hadadi, mwaana a Bedadi, mwa yoowo aawinne aMidiyani mureyareyani mwa oMowabe. Vano esidadaawe yiitthaniwa Avithi.

³⁶Akhwaakaru Hadadi, Samela a oMasereka aari namarandelaawe.

³⁷Samela aahookhwa ni Xawuli a oRehoboti, mukerekhere wa mooloko Efratesi, aari namarandelaawe.

³⁸Xawuli aahookhwa ni Bahali — Hanani, mwaana a Akhebori, aari namarandelaawe.

³⁹Bahali — Hanani, mwaana a Akhebori, aahookhwa, ni Hadadi aari namarandelaawe. Esidadaawe yiitthaniwa oPawu. Vano mwaariye, Mehetabeli aari mwaana a Materedi ni osuulu wa Mezahabi.

⁴⁰Awo yaari mapwattapwattha a ekhapira ya Esawu, khula pwattapwattha ni nsinanawe, nihimonawe ni mittetthesawe: Timena, Alevani, Yethethi,

⁴¹Oholibama, Ela, Pinoni,

⁴²Kenazi, Temani, Mibezari,

⁴³Magediyeli ni Irami. Vano, awo yaari mapwattapwattha a wEdomi, khula mutthu a yaawo aamaka mmuttettheni mwa elapo aakamenlaawe. Vano awEdomi yaari a ekhapira ya Esawu.