Read Makhuwa-Shirima Epacerero 5 Bible Online

Epacerero 5 - Makhuwa-Shirima bible

Epacerero 5

¹Masina a ekhapira ya Adamu ti ala: Muluku ampattuxaka mulopwana, aahiilikanxa Yoowo.

²Aampattuxa ntoko mulopwana ni muthiyana. Aapattuxakaru, aahaareeliha ni aawiitthana “atthu.”

³Wa iyaakha ncira ni miloko miraru, Adamu aamuyara mwaana mulopwana iilikanxaka mukhalelowaawe, anamutteha nsinanawe Seeti.

⁴Amuyanreene Seeti, Adamu aakhalatho ni okumi iyaakha macira mathannamararu ni aahaayaratho anamwane asilopwana ni asithiyana akina.

⁵Iyaakhasawe sootheene sa okumaawe saari macira mathannamaxexe ni miloko miraru, anakhwa.

⁶Mwa iyaakha ncira ni iyaakha ithanu Seeti aamuyara Enoxi.

⁷Amuyanreene Enoxi, Seeti aakhalatho ni okumi iyaakha macira mathannamararu ni iyaakha ithannapiili ni aahaayara anamwane asilopwana ni asithiyana akina.

⁸Iyaakhasawe sootheene sa okumaawe saari macira mathannamaxexe ni iyaakha muloko ni piili, anakhwa.

⁹Mwa iyaakha miloko mithannamixexe Enoxi aamuyara Kenani.

¹⁰Amuyanreene Kenani, Enoxi aakhalatho ni okumi iyaakha macira mathannamararu ni iyaakha muloko niithanu ni aahaayara anamwane asilopwana ni asithiyana akina.

¹¹Iyaakhasawe sootheene sa okumaawe saari macira mathannamaxexe ni iyaakha ithanu, anakhwa.

¹²Mwa iyaakha miloko mithannamiili, Kenani aamuyara Mahalaleli.

¹³Amuyanreene Mahalaleli, Kenani aakhalatho ni okumi iyaakha macira mathannamararu ni iyaakha miloko mixexe ni aahaayara anamwane asilopwana ni asithiyana akina.

¹⁴Iyaakhasawe sootheene sa okumaawe saari macira mathannamaxexe, anakhwa.

¹⁵Mwa iyaakha miloko mithannamosa ni iyaakha ithanu, Mahalaleli aamuyara Yaredi.

¹⁶Amuyanreene Yaredi, Mahalaleli aakhalatho ni okumi iyaakha macira mathannamararu ni iyaakha miloko miraru ni aahaayara anamwane asilopwana ni asithiyana akina.

¹⁷Iyaakhasawe sootheene sa okumaawe saari macira mathannamararu ni iyaakha miloko mithannamixexe niithanu, anakhwa.

¹⁸Mwa iyaakha ncira ni iyaakha miloko mithannamosa ni piili, Yaredi aamuyara Henoki.

¹⁹Amuyanreene Henoki, Yaredi aakhalatho ni okumi iyaakha macira mathannamararu ni aahaayara anamwane asilopwana ni asithiyana akina.

²⁰Iyaakhasawe sootheene sa okumaawe saari macira mathannamaxexe ni iyaakha miloko mithannamosa ni piili, anakhwa.

²¹Mwa iyaakha miloko mithannamosa ni piili, Henoki aamuyara Metusalemu.

²²Amuyanreene Metusalemu, Enokhi anneetta ni Muluku iyaakha macira mararu ni aahaayara anamwane asilopwana ni asithiyana akina.

²³Iyaakhasawe sootheene sa okumaawe saari macira mararu ni iyaakha miloko mithannamosa niithanu.

²⁴Henoki aaheetta ni Muluku ni aalakaseya vamaithoni wa atthu, niwoko Muluku aamucophola.

²⁵Mwa iyaakha ncira ni miloko mithannamiraru ni iyaakha ithannapiili, Metusalemu aamuyara Lameki.

²⁶Amuyanreene Lameki, Metusalemu aakhalatho ni okumi iyaakha macira mathannameeli ni iyaakha miloko mithannamiili ni piili ni aahaayara anamwane asilopwana ni asithiyana akina.

²⁷Iyaakhasawe sootheene sa okumaawe saari macira mathannamaxexe ni iyaakha miloko mithannamosa ni piili, anakhwa.

²⁸Mwa iyaakha ncira ni iyaakha miloko mithannamiraru ni piili, Lameki aamuyara mwaana mulopwana mmoha.

²⁹Aamutteha nsinanawe Nowe eeraka: “Ola onoonipepesa mwa mitekosahu soovihaxa ni ohaawa wa matataahu, woonaka weera Yave aalapha elapo.”

³⁰Amuyanreene Nowe, Lameki aakhalatho ni okumi iyaakha macira mathanu ni iyaakha miloko mithannamixexe niithanu ni aahaayara anamwane asilopwana ni asithiyana akina.

³¹Iyaakhasawe sootheene sa okumaawe saari macira mathannameeli ni iyaakha miloko mithannamiili niithannapiili, anakhwa.

³²Areeneno iyaakha macira mathanu, Nowe aamuyara Xemi, Hami ni Yafeti.