Read Makhuwa-Shirima 1 Mamwene 2 Bible Online

1 Mamwene 2 - Makhuwa-Shirima bible

1 Mamwene 2

¹Davide aakhuveelaawe okhwa, aamuxuttiha mwanawe Salomoni soolamula iya:

²“Miyo kihanle vakhaani okhwa. Mwiilopwaneihe, mukhaleke oolipa.

³Mwiiwelele yeeyo Yave Mulukwaanyu ontthunaawe: Mweette mphironimwawe ni mwiiwelele ikanosawe ni soolamulasawe; malamulowaawe ni sootthuneyasawe, ntoko elempwalaaya muNlamuloni na Moisesi. Hiiho itthu sinooweettelani nnenesene mwa sootheene muneeraanyu mpake ni mmapuroni moothemwene muneeranyu murowe.

⁴Mwapaka yeeyo, Yave onookwanihera yeeyo aakiroromelinghaawe eeraka: ‘Ekhapiraanyu yeetta mootthunanimwaka ni yakhala oororomeleya vamaithoniwaka ni murima ni okumi wootheene, nyuwo munoomukhalano namarandela vahiceni ya emwene oYixrayeli wa mahuku ootheene.’

⁵Vano nyuwo moosuwela nnenesene yeeyo Yowabe, mwaana mulopwana a Zeruha, aakipakenlaawe ni yeeyo aapakenlaawe asitokweene eeli a anakhotto a aYixrayeli — Abeneri, mwaana mulopwana a Neri ni Amasa, mwaana mulopwana a Yeteri. Aawiiva, ayeeheraka ephomaaya vathi mweehuhuni ya murettele apakaka ntoko vakhotto. Ephome ele yaamvuuvela laambaawe ni ikwakwaattasawe.

⁶Mumpakele yeeyo muntthunaanyu, mene muhimuhiye uuluvalaka, akhwaaka mmuretteleni.

⁷Vaheera ngwoonihere murima wooreera anamwane a Barezilai oGiliyade ni mwaatthuniheraka ocano, niwoko awosa yaakikhavihera miyo kaamutthawatthawaaka munninyu Abesalomi.

⁸Muhittiwale weera ori nlelo ni nyuwo Ximei, mwaana mulopwana a Gera, muBenyamini oBahurimi, mwa yoowo aakinyemunle nihuku nne kaarongwaaka oMahanayimi. Vaheera aakiciceera oYordanu, kinamuroromeliha ni nlipelo mwa Nsina na Yave: ‘Nkirwa kiwiivaani ni ekatana.’

⁹Vanonto, muhuupuwele weera khanthowa. Nyuwo mookhalano miruku — munoosuwela yoompaka. Orimuuluvalaru mmwiive mooxililini.”

¹⁰Vano Davide aahookhwa, anavithiwa vamoha ni makholowaawe musidadeni mwa Davide.

¹¹Owo aalamunle oYixrayeli iyaakha miloko mixexe — iyaakha ithannapiili oHeberoni ni iyaakha miloko miraru ni tthaaru oYerusaleemu.

¹²Vahoolowaya Salomoni aakilaathela ehice ya atithawe ni olamulawawe waakhalihiwa moota woolipaxa.

¹³Vano Adoniya, mwaana mulopwana a Hagiti, aarowa wa Batixeba, amayawe Salomoni. Batixeba aamukoha: “Mungwa mmuretteleni?” Owo aamwaakhula: “Aani, mmuretteleni.”

¹⁴Owo aapwaherera: “Kookhalano masu makina oowooleelani.” Batixeba aamwaakhula: “Muulumeke.”

¹⁵Adoniya aamweerela: “Ntoko musuwenlaanyu, omwene waari wawaka. aYixrayeli ootheene yaakiweha ntoko mwenaaya. Vaheera itthu sooceendyeya ni vano omwene ti wa munnaka, niwoko Yave aalakela weera ti wawawe.

¹⁶Vano kookhalano nivekelo nimoha — dyoontte mutthunihere nno.” Batixeba aamweerela: “Muhimeke.”

¹⁷Adoniya aapwaherera: “Dyoontte, mwamvekele mwene Salomoni weera akivahe Abixagi, muXunami, ntoko mwaaraka. Owo kharwa ookhoottelani.”

¹⁸Batixeba aamwaakhula: “Paahi, kinimuuluma ni mwene kiweerelakani nyuwo.”

¹⁹Batixeba aarongwaawe wuuluma ni mwene Salomoni amweerelaka Adoniya, mwene aaheemela weera amwaakhelele, anuurama ohoolowawe, anakilaathi vahiceniwawe ya emwene. Aalamula oruuheliwa amayawe ehice ekina ni Batixeba aakilaathi moonowaawe mulopwana.

²⁰Owo aamweerela mwene: “Kookhalano yoowoovekani ekhaani. Muhikikhoottele.” Mwene aamwaakhula: “Mukileele maayi, kinoowaakhulelani.”

²¹Batixeba aamweerela: “Mumvahe munninyu Adoniya Abixagi, muXunami, weera amuthele.”

²²Salomoni aahaakoha amayawe: “Munimvekelela heeni paahi Abixagi, muXunami ntoko mwaarawe Adoniya? Onoolikana okivekela omvaha omwene. Muupuwelele weera ori munnaka mutokweene. Aani onoolikana okivekela omvaha omwene yoowo, Abiyatari musaserdoti* ni Yowabe, mwaana mulopwana a Zeruha!”

²³Vano mwene Salomoni aalipela mwa Nsina na Yave eeraka: “Muluku akittaruxaxe miyo kaahimwiiva Adoniya niwoko na nivekelo nna!

²⁴Vanonto, kinlipela mwa Nsina na Yave, mwa Yoowo okikilaathinghe vahiceni ya atithaka Davide ntoko aaroromelinghaawe, akivahaka omwene — olelo Adoniya onimookhwa!”

²⁵Mwene Salomoni aamulamulela Benaiya, mwaana mulopwana a Yehoyada ni owo aamvulaliha Adoniya anamwiiva.

²⁶Mwene aamweerela Abiyatari, musaserdoti*: “Muhokoleele elapwaanyu wAnatoti. Mumphwanela wiiviwa, mene vaanaanova nkiwiivani mweenre mwaateexa Arka* a Yave onlamula soothesene ohoolo wa atithaka Davide ni mwaahaawa ni yaawo.”

²⁷Salomoni aamoomola Abiyatari okhala musaserdoti* a Yave akwaniheraka hiiho masu Yave uulummaawe oXilo eerelaka ekhapira ya Eli.

²⁸Yowabe iiwakaru ihaali iye, aatthawela muheemani mwa Yave, anavara manyaka a altaari* eenre avaanela ni Adoniya. Wa soothesene, khaavaanenle ni Abesalomi.

²⁹Mwene Salomoni aaleeliwa weera Yowabe aatthawela Muheemani mwa Yave ni ori mukerekhere altaari* a Yave. Vano Salomoni aamulamulela Benaiya, mwaana mulopwana a Yehoyada: “Murowe, mwamwiive!”

³⁰Benaiya aavolowa Muheemani mwa Yave, anamweerela Yowabe: “Mwene eenre: ‘mukhumeke!’” Wa soothesene, Yowabe aamwaakhula: “Hoye. Kikhwele muumu.” Benaiya aamuthalihera mwene yoowaakhula ya Yowabe.

³¹Vano mwene aamulamulela Benaiya: “Mwampake yeeyo ohimmaawe: Mwamwiive ni mwamvithe. Eyo enoomaliha wa miyo ni ekhapira ya atithaka nthowa na Yowabe owiivale atthu oohinthowa.

³²Yave onoomwiivela Yowabe yeeyo ophwanenlaawe, niwoko atithaka Davide ehisuwelaka, Yowabe aawiiva asilopwana eeli oororomeleyaxa ooreerela ompwaha yoowo: Abeneri, mwaana mulopwana a Neri aari mutokweene a anakhotto a oYixrayeli, ni Amasa, mwaana mulopwana a Yeteri, mutokweene a anakhotto a oYuda.

³³Nthowa na okhwa iwe nnimmorele Yowabe ni ekhapiraawe wa mahuku ootheene. Vaheera murettele wa Yave okhale wa mahuku ootheene ni Davide, ekhapiraawe, emusaawe ni ehicaawe ya emwene.”

³⁴Benaiya, mwaana mulopwana a Yehoyada, aarowa, anamwiiva Yowabe. Aavithiwa mmattamwawe munikareni.

³⁵Mwene aamukhaliha Benaiya, mwaana mulopwana a Yehoyada, ntoko mutokweene a anakhotto vanipuroni na Yowabe ni Zadoki vanipuroni na Abiyatari ntoko musaserdoti*.

³⁶Vano Mwene aalamula oroweliwa Ximei, anamweerela: “Mwiitekele empa oYerusaleemu ni mwakhalewo, mene muhirowe mapuro makina.

³⁷Musuwele nnenesene weera nihuku muneeraanyu mvenye oYerusaleemu mulapuwaka nreyareya na oKideroni, vekhaikhai munimookhwa. Nthowa na okhwawanyu nnikhale nawinyu.”

³⁸Ximei aamwaakhula mwene: “Yeeyo muhimmaanyu ti yooreera. Murumeiyaanyu onoopaka yeeyo pwiiyaaka mwene muhimmaanyu.” Ni Ximei aakhala oYerusaleemu wa mahuku mancipale.

³⁹Wa soothesene, sivinreene iyaakha tthaaru, ipottha piili sa Ximei saatthawela wa Akixi, mwaana mulopwana a Mahaka, mwene a oGati, ni Ximei aaleeliwa: “Ipotthasanyu siri oGati.”

⁴⁰Iiwakaru yeeyo, aangwela buurwaawe, anarowa wa Akixi oGati waasaasa ipotthasawe. Iwe Ximei aahokoloxawo ipotthasawe.

⁴¹Salomoni asuwelaka weera Ximei aarowa oGati anahokoleela oYerusaleemu,

⁴²mwene aamwiitthana Ximei, anamweerela: “Miyo kaahoolipelihani mwa Nsina na Yave kiwoopererakani: ‘Nihuku muneeraanyu murowe nakhalaru nipuro, musuwele weera vekhaikhai munimookhwa.’ Ehuhuweene yeele mwaakaakhula: ‘Yeeyo muhimmaanyu eri yooreera. Kinimwiiwelela.’

⁴³Vano muhikwaniherenle heeni nlipelo mwaampakenlaanyu Yave hata muheettelenle heeni nlamulo koovanghaakani?”

⁴⁴Mwene aamweerelatho: “Moosuwela nnenesene soonanara sootheene mwaapakenlaanyu atithaka Davide. Vano Yave onimoomoroxelani yoonanara mpankaanyu.

⁴⁵Vaheera mwene Salomoni onooreelihiwa ni ehice ya emwene ya Davide enoopwaherera mahuku ootheene vamaithoni wa Yave.”

⁴⁶Vanonto mwene aamulamulela Benaiya, mwaana mulopwana a Yehoyada ni owo aamukakattha Ximei, anamwiiva. Hiiho omwene waakhalihiwa nnenesene mmatatani mwa Salomoni.