Read Makhuwa-Shirima 1 Nyaha 20 Bible Online

1 Nyaha 20 - Makhuwa-Shirima bible

1 Nyaha 20

¹Ehuhu ya ottuva wa eyaakha yaattharelana, mweehuhuni mamwene anrowaaya okhottoni, Yowabe aahaarowano anakhottwaawe mpaka elapo ya awAmoni, anaphwata. Davide areene nlelo oYerusaleemu, Yowabe aarica oRaba, anawanano, ahiyaka mathalaru.

²Davide aamurula ecireemba mwene — ecireemba ya eyuuma yoorikaxa yaalemela ikiilu* miloko miraru niithanu, ephwanelihiweeneno maluku oowaaraxa. Ecireemba ele aawarihiwa Davide. Owo aaruuha sooreela sincipale sa musidadeni,

³ni aahaaruuhatho amakaaya, anaanyesereriha ovara muteko ni esera*, epikareta* ni ipaso. Davide aapaka hiiho ni isidade sootheene sa awAmoni. Vahoolowaya aahokoleela oYerusaleemu vamoha ni anakhottwaawe ootheene.

⁴Vahoolo wa yeeyo, yaakhala ekhotto yaawananiwa aFilisti oGezeri. Ehuhuweene yeele, Sibekai muHuxati, aamwiiva Sipai, mmoha a ekhapira ya aRefayimi, ni aFilisti yaawinasiwa.

⁵Mukhottoni ekina yaawananiwaaya aFilisti, Elihanani, mwaana mulopwana a aYahiri, aamwiiva Lakhemi, munneiye Goliyati, muGati, mwa yoowo mvitto wa nivakanawe waalikana wunnuwa wa mwiri.

⁶Mukhottoni ekinatho yaawaniwa oGate, aakhala mulopwana mmoha oorakama, mwa yoowo aarino ikatha ithannamosa wa khula ntata ni nnaawo; sootheene iyo, saari ikatha miloko miili niixexe. Owotho aari a ekhapira ya Rafa.

⁷Owo aaruwanaawe aYixrayeli, Yonatani, mwaana mulopwana a Ximeya, munneiye Davide, aamwiiva.

⁸Alasa yaari a ekhapira ya Rafa, oGate, ni yaahiiviwa ni Davide vamoha ni anakhottwaawe.