Read Makhuwa-Shirima 1 Nyaha 7 Bible Online

1 Nyaha 7 - Makhuwa-Shirima bible

1 Nyaha 7

¹Anamwane asilopwana axexe a Isakari: Tola, Puwa, Yaxube Ximeroni.

²Anamwane asilopwana a Tola: Uzi, Refaya, Yeriyeli, Yahemai, Ibesami ni Samuweli yaari mapwattapwattha a mahimwaaya. Moolamulani wa Davide, anakhotto oolikaneene owana a ikhapira sa Tola yaalepeliwe mukhapiranimwaya yaari asilopwana 22 600.

³Mwaana mulopwana a Uzi: Izeraya. Anamwane asilopwana a Izeraya: Mikayeli, Obadiya, Yoweli ni Ixiya. Athanu ootheenaawo yaari asitokweene

⁴ni yaakhalano asithiyana ancipale. Tivawo ntoko onooneyaaya mukhapirani mwa emusaaya, awosa yaakhalano asilopwana 36 000 oolikaneene owana.

⁵Anakhotto a mahimo ootheene a Isakari, ntoko yaalepeliwaaya mukhapiranimwaya, ootheene yaari 87 000.

⁶Anamwane araru a Benyamini: Bela, Bekeri ni Yediyayeli.

⁷Anamwane asilopwana a Bela: Eziboni, Uzi, Uziyeli, Yeremote ni Iri, yaari mapwattapwattha mathanu. Munamalepelani a mukhapiranimwaya, yaalepeliwe anakhotto 22 034.

⁸Anamwane asilopwana a Bekeri: Zemira, Yowaxi, Eliyezeri, Elunai, Omeri, Yeremote, Abiya, Anatote ni Alemete. Ootheene ala, yaari anamwane asilopwana a Bekeri.

⁹Munamalepelani a mukhapiranimwaya yaalepeliwe mapwattapwattha a imusi ni anakhotto 20 200.

¹⁰Mwaana mulopwana a Yediyayeli: Bilami. Anamwane asilopwana a Bilexani: Yewuxi, Benyamini, Ehude, Kenaanani, Zetani, Tarexixi ni Ahixahari.

¹¹Anamwane ootheene ala a Yediyayeli yaari mapwattapwattha a imusi. Mukhapiranimwaya yaari anakhotto 17 200 oolikaneene owana.

¹²aXupi ni aHupi yaari a ekhapira ya Iri; ni aHuxi a ekhapira ya Aheri.

¹³Anamwane asilopwana a Nafitali: Yaheziyeli, Guni, Yezeri ni Xilemi — ekhapira ya Bileha.

¹⁴Ekhapira ya Manaxe: Asriyeli aari mwaana mulopwana a ekuxowaawe ngwArami. Aamuyaratho Makiri, tiithi a Gileyade.

¹⁵Makiri aamuthela muthiyana eriyari ya aHupi ni aXupi. Murokoriye iitthaniwa Maaka. Zelofeyade aari mwaana mulopwana mukina a Manaxe ni aarino paahi anamwane asithiyanaru.

¹⁶Maaka, amwaariye Makiri, aamuyara mwaana mulopwana, anamutteha Perezi. Nsina na munneiye naari Xeresi ni anamwanaawe asilopwana yiitthaniwa Ulami ni Rakemi.

¹⁷Mwaana mulopwana a Ulami: Bedani. Awosa yaari anamwane asilopwana a Gileyade, mwaana mulopwana a Makiri, mwaana mulopwana a Manaxe.

¹⁸Murokoriye, iitthaniwa Hamolekete, aamuyara Ixedode, Abiyezeri ni Mahela.

¹⁹Anamwane asilopwana a Xemida: Ahiyani, Xekhemi, Liki ni Aniyami.

²⁰Ekhapira ya Efrayimi: Sutela, aari tiithi a Berede, tiithi a Tahate, tiithi a Eleyada, tiithi a Tahate,

²¹tiithi a Zabade, tiithi a Xutela. Ezeri ni Eleyade yaahiiviwa ni asilopwana a oGate, yeereraaya wiiya mihuwosaya.

²²Tiithaaya Efrayimi aawiinlelaxa mmahukuni mancipale ni amusaawe yaahoorwa ompembesa.

²³Vahoolowaya aamukonanotho mwaariye, owo aarupala, anamuyara mwaana mulopwana. Vano, owo aamutteha Beriya, niwoko yaakhumelela erisa veemusiniwawe.

²⁴Mwaniye muthiyana iitthaniwa Xeera. Ti yoowo aatenke oBete-Horomi wa ottuttuwani ni wa ohitto mpakatho wUzeni-Xeera.

²⁵Mwaana mulopwana a Beriya aari Refa, tiithi a Resefe, tiithi a Tela, tiithi a Tahani,

²⁶tiithi a Ladami, tiithi a Amihude, tiithi a Elixama,

²⁷tiithi a Nuni, tiithi a Yoxuwa.

²⁸Ilaposawe ni isidadesawe saaphiya oBeteli ni mittetthe sa mukhwipimwawe, oNaarani, mpatta ninkhuma nsuwa, oGezeri ni mittetthesaya mpatta ninkela nsuwa, ni oXekhemi ni mittetthesaya mpaka wAya ni mittetthesaya.

²⁹Mmwiinanoni mwa Manaxe waari oBeti-Xani, oTaanake, oMegidu ni oDori vamoha ni mittetthesaya. Ekhapira ya Yoseefe, mwaana mulopwana a Yixrayeli, yaakhala isidadesene seiya.

³⁰Anamwane asilopwana a Axeri: Imena, Ixeva, Ixevi ni Beriya. Murokorayasa iitthaniwa Sera.

³¹Anamwane asilopwana a Beriya: Heberi ni Malkiyeli, aari tiithi a Birzayite.

³²Heberi aamuyanre Yafelete, Xomeri, Hotami ni murokorayasa Xuwa.

³³Anamwane asilopwana a Yafelete: Pasake, Bimehali ni Axevate. Ti yaala yaari anamwane asilopwana a Yafelete.

³⁴Anamwane asilopwana a Xomeri: Ahi, Rohega, Huba ni Arami.

³⁵Anamwane asilopwana a Helemi munneiye Xomeri: Zofa, Imena, Xelesi ni Amali.

³⁶Anamwane asilopwana a Zofa: Suha, Harneferi, Xuwali, Beri, Imera,

³⁷Bezeri, Hode, Xama, Xilexa, Iterani ni Beera.

³⁸Anamwane asilopwana a Yeteri: Yefune, Pisepa ni Ara.

³⁹Anamwane asilopwana a Ula: Ara, Haniyeli ni Riziya.

⁴⁰Ootheene ala yaari ekhapira ya Axeri. Yaari mapwattapwattha a imusi, asilopwana oothanliwa, anakhotto ooweraxa ni ahooleli oottittimiheyaxa. Waatta wa yaale yaathanleliwe owana mukhottonimwaya, ntoko yaalepeliwaaya mukhapiranimwaya waari 26 000.