Read Makhuwa-Shirima 1 Nyaha 9 Bible Online

1 Nyaha 9 - Makhuwa-Shirima bible

1 Nyaha 9

¹Ikhapira sootheene sa aYixrayeli ootheene silempwale munamalepelani a nyaha mulivuruni sa mamwene a oYixrayeli. Muloko wa oYuda waaronghiwa wootthukiwani elapo ya oBabiloniya niwoko na ohimuroromelawaya Muluku.

²Atthu akina-akina a muloko, a asaserdoti*, a aLeevi ni a arumeiyi yaarumeela Mpaani mwa Muluku, ti yaapacenre ohokoleela muttimanimwaya ni musidadenimwaya.

³Vano aYuda, aBenyamini, awEfrayimi ni aManaxe yaamanke oYerusaleemu yaari ti ala:

⁴Utai, mwaana mulopwana a Amihude, mwaana mulopwana a Omeri, mwaana mulopwana a Imeri ni mwaana mulopwana a Bani, a mukhapirani ya Perezi, mwaana mulopwana a Yuda.

⁵A aXiloni: Asaya aari mwaana mulopwana a ntthaara vamoha ni anamwanaawe asilopwana.

⁶A Zerahi: Yehuweli. Waatta wa aYuda waari macira mathannamosa ni miloko mithannamixexe.

⁷A aBenyamini: Salu, mwaana mulopwana a Mexulami, mwaana mulopwana a Hodaviya, mwaana mulopwana a Hasenuwa;

⁸Ibeneya, mwaana mulopwana a Yerohami; Ela, mwaana mulopwana a Uzi, mwaana mulopwana a Mikeri; ni Mexulami mwaana mulopwana a Xefatiya, mwaana mulopwana a Rehuweli, mwaana mulopwana Ibeniya.

⁹A epuumba ya Benyamini, ettharihiwaka ekhapiraaya, yaari 956. Asilopwana ootheene ala, yaari mapwattapwattha a imusisaya.

¹⁰A asaserdoti*: Yedaya, Yehoiyaribe, Yakini;

¹¹Azariya mwaana mulopwana a Hilikiya, mwaana mulopwana a Mexulami, mwaana mulopwana a Zadoki, mwaana mulopwana a Merayote ni mwaana mulopwana a Aitube, muhooleli aawehaweha Empa ya Muluku;

¹²Adaya, mwaana mulopwana a Yerohami, mwaana mulopwana a Paxuri ni mwaana mulopwana a Malekiya; ni Maasayi, mwaana mulopwana a Adiyeli, mwaana mulopwana a Yahezera, mwaana mulopwana a Mexulami, mwaana mulopwana a Mexeilemite ni mwaana mulopwana a Imeri.

¹³Waatta wa asaserdoti* yaari mapwattapwattha a imusi, waari 1 760. Awosa yaari asilopwana oowera, ni mutekwaaya waari orumeela Mpaani mwa Muluku.

¹⁴A aLeevi: Xemaya, mwaana mulopwana a Haxube, mwaana mulopwana a Azrikami ni mwaana mulopwana a Haxabiya aari mMerari;

¹⁵Bakebakari, Herexi, Galali Mataniya, mwaana mulopwana a Mika mwaana mulopwana a Zikeri ni mwaana mulopwana a Asafi;

¹⁶Obadiya, mwaana mulopwana a Xemaya, mwaana mulopwana a Galali ni mwaana mulopwana a Yedutuni; Berekiya, mwaana mulopwana a Asa, ni mwaana mulopwana a Elikana, aakhala mmittettheni sa aNetofati.

¹⁷Anamalipelela a milako: Xalumi, aari mutokweene, Akube, Talmoni, Ahimani ni axunnaya mwa yaawo ari mpaka olelo

¹⁸anamalipelela a Mulako wa Mwene mpatta ninkhuma nsuwa. Xalumi aari mutokweene. Ala yaari anamalipelela a milako yaari a yaakonelaayawo aLeevi.

¹⁹Xalumi, mwaana mulopwana a Kore, mwaana mulopwana a Abiyasafe ni mwaana mulopwana a Kora, vamoha ni amusaawe ari aKorahi, anamalipelela a milako yaawehaweha olipeleliwa wa milako sa Eheema, ntoko makholowaaya yaaraaya anamawehaweha olipeleliwa wa mulako wa Woomakawawe Yave.

²⁰Khalayeene, Pinehasi, mwaana mulopwana a Eleyazari, ti aawehaweha anamalipelela a milako, ni Yave aari ni yoowo.

²¹Zakariya, mwaana mulopwana a Mexelemiya, aari namalipelela a mulako wa Eheema ya Muthukumano*.

²²Yaalikeliwaaya ootheene yaathanliwe weera ekhale anamalipelela a milako, yaalepeliwe mukhapirani a mittetthesaya, yaari macira meeli ni muloko neeli. Awo yaathanleliwe miteko iye ni Davide ni mwa namoonihera* Samuweli.

²³Awosa ni ikhapirasaya, yaavahiwe muteko wa owehaweha milako sa Empa ya Yave, mwa yeeyo yiitthaniwa Eheema.

²⁴Anamalipelela yaawehaweha milako mmipattani mixexe: Ottuttuwani, ohito, mpatta ninkhuma nsuwa ni mpatta ninkela nsuwa.

²⁵Amusaaya yaakhala mmittetthenimwaya waatthuneya orwa ihuhu sikina sikina ovara muteko vamoha ni yaawosa mweehuhuni ya mahuku mathannameeli.

²⁶Vaheera anamalipelela asitokweene axexe a milako, yaari aLeevi, yaahaakhela muteko woowehaweha isaala ni omuhakhuni wa Empa ya Muluku.

²⁷Awosa yaaviriha ohiyu muxerexere wa Empa ya Muluku, niwoko waatthuneya owehaweha ni ohula milako khula oxeexelo.

²⁸aLeevi akina akina yaawehaweha ikaruma saavareliwa muteko Mpaani mwa Muluku; awosa yaalikela saakhumihiwaaya ni saahokoloxiwaaya.

²⁹Akina yaakosoopa ikaruma sikina sa Nipuro Nootteela*, nitho sa ephepa, eviinyu, makhura, erubani* ni makhura oowunkhela.

³⁰Vaheera yaari ti asaserdoti* yaavahiwe muteko wa oreherera makhura oowunkhela.

³¹muLeevi mmoha iitthaniwa Matitiya, mwaana a ntthaara na muKorahi Xalumi, mutekwaawe waari woowooxa ipaawu wa sooveleela.

³²Vano eriyari ya aKohati, axunnaya akina akina, mutekwaaya waari wooreherera ipaawu siikaathiwa vameesa khula eSaabadu.

³³Anamwiipa, mapwattapwattha a imusi sa aLeevi, yaapwaherera okhala musaala sa Mpaani mwa Muluku, ehivaraka miteko sikina, niwoko othana ni ohiyu, yaavara mutekwaaya xaxaxa.

³⁴Ootheene ala yaari mapwattapwattha a imusi sa aLeevi, yaalempwale ntoko ahooleli mukhapiranimwaya, ni yaakhala oYerusaleemu.

³⁵Yeyeli, tiithi aGibeyoni, aakhala oGibiyoni. Amwaariye yiitthaniwa Maaka,

³⁶ni mwaniye mulopwana a ntthaara iitthaniwa Abedome. Vahoolowaya, aayariwa Zuri, Kixi, Bahali, Neri, Nadabe,

³⁷Gedori, Ahiyo, Zakariya ni Mikelote.

³⁸Mikelote aamuyanre Ximeyami. Awosatho yaakhala vakhiviru wa amusaaya oYerusaleemu.

³⁹Neri aamuyanre Kixi, Kixi aamuyanre Sawuli, Sawuli aamuyanre Yonatani, Malkixuwa, Abinadabe ni Exi-Bahali.

⁴⁰Mwaana mulopwana a Yonatani: Meribe-Bahali, aamuyanre Mika.

⁴¹Anamwane asilopwana a Mika: Pitoni, Meleki, Tahereya ni Ahazi.

⁴²Ahazi aamuyanre Yada, Yada aamuyanre Alemete, Azemavete ni Zimeri ni Zimeri aamuyanre Moza.

⁴³Moza aamuyanre Bineya, mwa yoowo mwaniye aari Refaiya; mwaana mulopwana a Refaiya aari Eleyasa, tiithi a Azeli.

⁴⁴Azeli aarino anamwane athannamosa, ni masinaaya yaari ti ala: Azerikami, Bokeru, Yixmayeli, Xehariya, Obadiya ni Hanani. Alasa yaari anamwane asilopwana a Azeli.