Read Makhuwa-Shirima 2 Nyaha 19 Bible Online

2 Nyaha 19 - Makhuwa-Shirima bible

2 Nyaha 19

¹Yehoxafati ahokoleenleene oolipeene empaawe ya emwene oYerusaleemu,

²namoonihera* Yehu, mwaana mulopwana a Hanani, aarowa omukumanano, anamweerela: “Weeraka nyuwo waatthuneya waakhavihera ni waasivela atakhali ni yaale animuthanya Yave? Mwaha wa yeeyo, isara sa Yave sohoomorelani.

³Wa soothesene, yookhala mwa nyuwo etthu yooreera, niwoko nyuwo mootapuxa elapo mwa nyiri soothipeleliwa sa Axera, munamwaasa Muluku ni murimaanyu wootheene.”

⁴Yehoxafati aakhala oYerusaleemu; aaviraviratho mulaponi, okhuma oBerxeba mpaka mmanyaakoni sa wEfrayimi, aahokoloxeraka aYixrayeli wa Yave, Muluku a makholowaaya.

⁵Owo aahaathanla aphuki wa khula isidade soolipihiwa sa oYuda,

⁶eeraka: “Ngwehe nnenesene yeeyo mumpakaanyu, niwoko khoohiyono wa atthu nyuwo munthorihaanyu ekhaikhai, mene ohoolo wa Yave, anaakhale ni nyuwo munthorihelaanyumo.

⁷Vano munttittimihe Yave ni mwiipasoopeno moota munthorihaanyu, niwoko Yave khamvilela ohiroromeleya, hata khanthalu, naari khanaakhulela makhwankwa.”

⁸Yehoxafati aahaathanlatho oYerusaleemu, aLeevi akina akina, asaserdoti* ni mapwattapwattha a imusi sa aYixrayeli, weera ethorihe, ettharihaka Nlamulo na Yave, ni ereherere minyakunyaku sa amaki.

⁹Vano aahaavaha malamulo ala: “Nyuwo murumeeleke moororomeleyani ni murima wookwaneleene, moomoovani Yave.

¹⁰Khula mulattu muneeraanyu muruuheliwe wa mpatta wa axunninyu aYixrayeli a isidade sikina — okhalaka wa oyeehiwa ephome, naari milattu sikina mwaha wa nlamulo, sooruma, ikano hoye hoye soolamulela — nyuwosa ontthuneya wooperera weera ehimutthekele Yave; ohiyanawaya, isara sa Yave sinimoomorelasani nyuwosa ni awosa. Mpakeke hiiho ni khamuttheka.

¹¹Mutokweene a asaserdoti* Amariya onookhala ni nyuwo weera alakele wakhalaru mulattu onghima sa Yave, ni Zebadiya, mwaana mulopwana a Yixmayeli, muhooleli a epuumba ya Yuda, onookhala ni nyuwosa weera alakele wakhalaru mulattu onghima sa mwene. aLeevi animookhaviherani mwa sootheene iyo. Mukwanihereke sootthuneyasanyu moolipihani murima. Yave akhale ni yaawo ampaka nnene.”