Read Makhuwa-Shirima 2 Nyaha 27 Bible Online

2 Nyaha 27 - Makhuwa-Shirima bible

2 Nyaha 27

¹Yotami aapaceraawe olamula, aarino iyaakha miloko miili niithanu sa oyariwawawe, analamula oYerusaleemu iyaakha muloko niithannamosa. Amayawe yiitthaniwa Yeruxa, mwaana muthiyana a Zadoki.

²Owo aapaka onaakhulelaawe Yave, ntoko yaapankaaya atithawe, vaheera ovirikanawaya, owo khaavolongwe Mpaani mwa Yave. Wa soothesene, muloko waapwaherera ni ipakelosaya soonanara.

³Yotami aapaka mulako mutokweene wa Empa ya Yave, anavaraxa miteko muxirini, mmattumuxani mwa Ofeli.

⁴Aateka isidade mmanyaakoni sa oYuda, mpakatho aapaka ntuphini itoore* soolipa ni sootthawelamo.

⁵Yotami aahaawanano awAmoni, anaawina. Vano awAmoni yaamuliva itonelada* 1 650 sa eparatha*, itonelada* 1 650 sa etrigu ni itonelada* 1 650 sa esevada*, mweehuhuni ya iyaakha tthaaru soottharana.

⁶Yotami aathatuwa ooweraxa, niwoko eetta oolipeene mootthunani wa Yave, Mulukwaawe.

⁷Sookhumelela sikina iyo sa olamula wa Yotami, vamoha ni owanawawe wootheene ni soopakasawe sikina iyo, silempwale mulivuruni sa nyaha sa mamwene a oYixrayeli ni oYuda.

⁸Aapaceraawe olamula aarino iyaakha miloko miili niithanu sa oyariwawawe, analamula oYerusaleemu iyaakha muloko niithannamosa.

⁹Yotami aahookhwa, anavithiwa vamoha ni makholowaawe musidadeni ya Davide. Aamurandenle ti mwaniye mulopwana Ahazi.